ЗА ЕДНО СООПШТЕНИЕ НА ДПМНЕ (НАЦИОНАЛИСТИЧКАТА ПАРТИЈА НА МАКЕДОНИЈА)

Кој разбере – разбере, кој не разбира, толку полошо за него.

Една мала анализа на соопштението на ДПМНЕ (навистина мислам дека од називот на оваа партија мора да се исфрли делот ВМРО)  објавено на 15.09.2016 година.

Специјалното јавно обвинителство денеска даде најдобар пример за двојните аршини по кои работат.

ТОЧНО.

СПЕЦИЈАЛНОТО ЈАВНО ОБВИНИТЕЛСТВО Е ФОРМИРАНО ЗАТОА ШТО РЕДОВНОТО ЈАВНО ОБВИНИТЕЛСТВО РАБОТЕЛО СО ЕДЕН АРШИН ЗА ВЛАСТА, А ДРУГ ЗА ГРАЃАНИТЕ И НЕГОВАТА НАМЕНА Е ВО ЕДЕН КОНКРЕТЕН ПЕРИОД ДА ГО ПОКРИЕ ДЕЛОТ НА ОБВИНЕНИЈА ПОВРЗАНИ СО РАБОТЕЊЕТО НА ОНИЕ КОИ СЕ/БИЛЕ НА ВЛАСТ (А КОИ РЕДОВНОТО ЈАВНО ОБВИНИТЕЛСТВО ОДБИВА ДА ГИ ПРОЦЕСИРА).  

Обвинителката Фатиме Фетаи тргна отворено против сите граѓани кои одлучија да излезат на протест против спречување на изградба на црквата во Општина Центар, откако и претставници на Македонската православна црква и здружението на граѓани Веритас се спротиставија на намерите на Андреј Жерновски и советниците на СДСМ да не дозволат да се гради Црквата Свети Константин и Елена.

НЕТОЧНО.

  1. 1. НЕ ТРГНАЛА ФАТИМЕ ФЕТАИ ПРОТИВ НИКОГО, ТУКУ СПЕЦИЈАЛНОТО ЈАВНО ОБВИНИТЕЛСТВО. ИМЕТО НА ФЕТАИ СЕ УПОТРЕБУВА ВО КОНОТАЦИЈА НА МЕЃУВЕРСКИ ОДНОСИ МНОГУ НАМЕНСКИ ЗАРАДИ ПЕРЦЕПЦИЈАТА НА ГРАЃАНИТЕ ДЕКА СТАНУВА ЗБОР ЗА ЧОВЕК ОД ДРУГА ВЕРСКА ОПРЕДЕЛБА. МЕДИУМОТ МОЖЕ И ТРЕБА ДА БИДЕ ГОНЕТ ЗАРАДИ РАЗГОРУВАЊЕ НА НАЦИОНАЛНА И ВЕРСКА ОМРАЗА И НЕТРПЕНИЕ.
  2. 2. НЕ ТРГНАЛО СПЕЦИЈАЛНОТО ЈАВНО ОБВИНИТЕЛСТВО ПРОТИВ СИТЕ ГРАЃАНИ КОИ ИЗЛЕГЛЕ НА ПРОТЕСТ ВО КОНКРЕТНИОТ СЛУЧАЈ, ТУКУ ПРОТИВ ПОТТИКНУВАЧИТЕ НА НАСИЛСТВО КОИ СЕ СПОМНУВААТ ВО ПРИСЛУШУВАНИТЕ ТЕЛЕФОНСКИ РАЗГОВОРИ ПОВРЗАНИ СО КОНКРЕТНИОТ СЛУЧАЈ. 
  3. 3. ЖЕРНОВСКИ ВО НИТУ ЕДЕН МОМЕНТ НЕ СЕ СПРОТИСТАВИ НА ГРАДЕЊЕТО НА ЦРКАВАТ (ШТО БЕШЕ СПРОТИВНО НА БАРАЊАТА НА ГОЛЕМ ДЕЛ ОД ГРАЃАНИТЕ КОИ ГО ИЗГЛАСАА ЗА ГРАДОНАЧАЛНИК, МЕЃУ КОИ БЕВ И ЈАС,  И ЗАРАДИ ШТО ЈАС ЛИЧНО ВЕЌЕ НИКОГАШ ВО ЖИВОТ НЕМА ДА ГЛАСАМ ЗА ЖЕРНОВСКИ ДА БИДЕ ИЗБРАН НА БИЛО КОЈА РАКОВОДНА ФУНКЦИЈА).

Обвинителката Фатиме Фетаи реши да тргне против верниците кои имаат уставно загарантирано право на протест и имаат право да го изразат сопственото негодување со политиките на Жерновски и СДСМ, само заради тоа што предизвикале материјална штета од 20 евра. Фатиме Фетаи и Катица Јанева ги игнорираат штетите од милиони евра предизвикани од вандалите на платеничката револуција.

НЕТОЧНО.

  1. 1. НЕ СТАНУВА ЗБОР ЗА ФАТИМЕ ФЕТАИ ТУКУ ЗА СПЕЦИЈАЛНОТО ЈАВНО ОБВИНИТЕЛСТВО. ИМЕТО НА ФЕТАИ СЕ УПОТРЕБУВА ВО КОНОТАЦИЈА НА МЕЃУВЕРСКИ ОДНОСИ, СО ШТО МЕДИУМОТ МОЖЕ И ТРЕБА ДА БИДЕ ГОНЕТ ЗАРАДИ РАЗГОРУВАЊЕ НА НАЦИОНАЛНА И ВЕРСКА ОМРАЗА И НЕТРПЕНИЕ.
  2. 2. НЕ СЕ ОБВИНЕТИ ВЕРНИЦИТЕ ЗАРАДИ ТОА ШТО ПРОТЕСТИРАЛЕ ТУКУ СЕ ОБВИНЕТИ ОНИЕ КОИ БИЛЕ НА ВЛАСТ ЗАТОА ШТО ГИ ПОТТИКНАЛЕ НА НАСИЛСТВО.
  3. 3. НЕ Е ТОЧНО ДЕКА КАТИЦА И ФЕТАИ ГИ ИГНОРИРААТ ШТЕТИ НАПРАВЕНИ ПРИ ДРУГИ ДЕМОНСТРАЦИИ. ЕДНОСТАВНО, СПЕЦИЈАЛНОТО ЈАВНО ОБВИНИТЕЛСТВО ИМА МНОГУ ОГРАНИЧЕНА НАДЛЕЖНОСТ И НЕ СМЕЕ ДА ПОСТАПУВА НАДВОР ОД НЕА.
  4. 4. НЕ Е ТОЧНО ДЕКА Е НАПРАВЕНА ШТЕТА ОД МИЛИОНИ ЕВРА. СЕ УШТЕ НЕ Е НАПРАВЕНА ПРОЦЕНА НА ШТЕТАТА.
  5. 5. НЕ Е ТОЧНО ДЕКА НЕКОЈ БИЛ ПЛАТЕН ДА ДЕМОНСТРИРА ПРОТИВ ВЛАСТА. ВООБИЧАЕНО ЛУЃЕТО ГИ ПЛАЌААТ ДА ДЕМОНСТРИРААТ ВО КОРИСТ НА ВЛАСТА, А МНОГУ ВООБИЧАЕНО Е ДА ДЕМОНСТРИРААТ ПРОТИВ ВЛАСТА ПО СОПСТВЕНО УБЕДУВАЊЕ.
  6. 6. НЕ Е ТОЧНО ДЕКА Е НАПРАВЕНА ШТЕТА ОД 20 ЕВРА. ЗА ОВА ВЕЌЕ ПОСТОИ ПРОЦЕНА.

 

Фатиме Фетаи и Катица Јанева ги игнорираат повиците на аболицираниот криминалец Зоран Заев и Радмила Шекеринска и нивната поддршка во палењето, демолирањето, ограбувањето и уништувањето на институции и културно историски споменици при вандалското однесување на членовите на платеничката револуција.

НЕТОЧНО.

  1. 1, НЕ Е ТОЧНО ДЕКА КАТИЦА И ФЕТАИ НЕШТО ИГНОРИРААТ, ТУКУ СПЕЦИЈАЛНОТО ЈАВНО ОБВИНИТЕЛСТВО ИГНОРИРА.
  2. 2. НЕ Е ТОЧНО ДЕКА МОЖАТ ДА ПОСТАПУВААТ ПО БИЛО КОЈ ДРУГ СЛУЧАЈ ОСВЕН СЛУЧАИТЕ КОИ СЕ ПОВРЗАНИ СО НИВНАТА МНОГУ ТЕСНА НАДЛЕЖНОСТ ДАДЕНА ВО ЗАКОН.
  3. 3. НЕМА ПОДАТОЦИ КОИ БИ ГО ПОТВРДИЛЕ ТВРДЕЊЕТО ДЕКА ЗОРАН ЗАЕВ Е КРИМИНАЛЕЦ.
  4. 4. НЕ Е ТОЧНО ДЕКА ЗОРАН ЗАЕВ И РАДМИЛА ШЕЌЕРИНСКА ПОВИКУВАЛЕ БИЛО ШТО ДА СЕ ПАЛИ, ДЕМОЛИРА, ОГРАБУВА И УНИШТУВА.
  5. 5. НЕ Е ТОЧНО ДЕКА СТАНУВА ЗБОР ЗА КУЛТУРНО ИСТОРИСКИ СПОМЕНИЦИ. СТАНУВА ЗБОР ЗА ПРОТИВПРАВНО ПОСТАВЕНИ УРБАНИ ОБЈЕКТИ.

Фатиме Фетаи и Катица Јанева имаат само една цел. Се обидуваат неосновано да го оцрнуваат раководството на ВМРО-ДПМНЕ само заради тоа што било и ќе биде на страна на народот. Фатиме Фетаи и Катица Јанева не го познаваат ВМРО. ВМРО издржало многу покритични напади од нивните. ВМРО ќе ги издржи и овие нарачани политички случаи и ќе остане со народот.

НЕТОЧНО.

1. БИ МЕ ИЗНЕНАДИЛО КАТИЦА ЈАНЕВА И ФАТИМЕ ФЕТАИ ДА ИМААТ САМО ЕДНА ЦЕЛ ВО ЖИВОТОТ. СИГУРНА СУМ ДЕКА И ДВЕТЕ ИМААТ ПОВЕЌЕ ЦЕЛИ КОИ НЕМААТ ВРСКА СО ПОЛИТИКАТА, ПРАВОТО, А НАЈМАЛКУ ОД СЕ ИМААТ ВРСКА СО ДПМНЕ И НЕГОВОТО РАКОВОДСТВО.

  1. 2. НЕ Е ТОЧНО ДЕКА НЕКОЈ СЕ ОБИДУВА НЕОСНОВАНО ДА ГО ОЦРНИ РАКОВОДСТВОТО НА ДПМНЕ. СЕ ПРИБИРААТ ДОКАЗИ И СЕ ГРАДАТ ОБВИНИТЕЛНИ АКТИ ЗА ОСНОВАНО ОБВИНУВАЊЕ НА РАКОВОДСТВОТО НА ДПМНЕ, НИВНО СУДЕЊЕ И СООДВЕТНА КАЗНА ЗА ПРЕКРШУВАЊЕТО НА ЗАКОНИТЕ.
  2. 3. НЕ Е ТОЧНО ДЕКА РАКОВОДСТВОТО НА ДПМНЕ Е НА СТРАНА НА НАРОДОТ. СО МЕСЕЦИ ИЛЈАДНИЦИ ЛУЃЕ ПОКАЖУВАА И СЕ УШТЕ ЈАСНО ПОКАЖУВААТ ДЕКА ИМА ГОЛЕМ ДЕЛ ОД НАРОДОТ КОЈ НЕ МИСЛИ ДЕКА РАКОВОДСТВОТО НА ДПМНЕ Е НА СТРАНА НА НАРОДОТ.
  3. 4. НЕ Е ТОЧНО ДЕКА СТАНУВА ЗБОР ЗА НАРАЧАНИ ПОЛИТИЧКИ СЛУЧАИ ТУКУ ЗА ПОСТАПКИ ПРОТИВ ВИСОКИ ФУНКЦИОНЕРИ КОИ ОД ПОЗИЦИЈА НА ВЛАСТ ГО ПРЕКРШИЛЕ ЗАКОНОТ И НЕ САКААТ ДА ОДГОВАРААТ ЗА ПРЕКРШУВАЊЕТО КОЕ ГО НАПРАВИЛЕ.

ПОЈМА НЕМАМ ДАЛИ КАТИЦА И ФАТИМЕ ГО ЗНААТ ВМРО. И МИСЛАМ ДЕКА ВО СЛУЧАЈОВ ВООПШТО НЕ Е БИТНО. НЕ МУ СЕ СУДИ НА ВМРО ТУКУ НА ВИСОКИ ФУНКЦИОНЕРИ ВО ВЛАСТА ОД РАКОВОДСТВОТО НА ДПМНЕ ЗА КОИ ПОСТОИ ОСНОВАНО СОМНЕВАЊЕ ДЕКА УБИВАЛЕ, МАЧЕЛЕ, РЕКЕТРИРАЛЕ, КРАДЕЛЕ, МАМЕЛЕ, …

МОЖНО ЛИ Е ТОЛКУ ДА НЕ СЕ РАЗБИРА ПРАВОТО?

Од ДИК ми порачаа:

Бришењето на гласачите е согласно последните измени што ги направи Собранието по договорот на четирите партии, одговараат од ДИК по кривичната пријава што им ја поднесе професорката Мирјана Најчевска. Оттаму велат дека секој има право на кривична пријава, но на Најчевска и порачуваат да ги тужи и пратениците бидејќи тие гласале за законот.“

Не драги мои. Не треба да ги тужам пратениците бидејки тие не донесле законски одредби со кои ми се ограничува правото на глас.

Со првите промени (Службен весник на Република Македонија бр. 196/2015) тие усвоиле промена на членот 42 со која се утврдува дека:

„(1) Државната изборна комисија врши запишување, дополнување и бришење во Избирачкиот список по службена должност ВРЗ ОСНОВА НА ПОДАТОЦИ ОД МАТИЧНИТЕ КНИГИ, ЕВИДЕНЦИЈАТА ЗА ЖИВЕАЛИШТЕ И ЗА ДРЖАВЈАНСТВОТО НА РЕПУБЛИКА МАКЕДОНИЈА, ДРУГИ СЛУЖБЕНИ ЕВИДЕНЦИИ И СО НЕПОСРЕДНО ПРОВЕРУВАЊЕ.

(2) Државната изборна комисија врши запишување, дополнување и бришење во Избирачкиот список И ПО БАРАЊЕ НА ГРАЃАНИ, А ВРЗ ОСНОВА НА УСВОЕНИОТ ПРАВИЛНИК ЗА МЕТОДОЛОГИЈА ЗА ЦЕЛОСЕН ПРИСТАП, ВРШЕЊЕ ПРОМЕНИ И БРИШЕЊЕ НА ПОДАТОЦИ ВО ИЗБИРАЧКИОТ СПИСОК.

(3) Државната изборна комисија врши БРИШЕЊЕ ВО ИЗБИРАЧКИОТ СПИСОК НА ПОЧИНАТО ЛИЦЕ ИЛИ ЛИЦЕ КОЕ ПО БИЛО КОЈ ОСНОВ ГО ЗАГУБИЛО ИЗБИРАЧКОТО ПРАВО ПО БАРАЊЕ НА ПОЛИТИЧКА ПАРТИЈА СО ДОСТАВУВАЊЕ НА ПОДАТОЦИ ЗА ПОЧИНАТОТО ЛИЦЕ ИЛИ КОЕ ПО БИЛО КОЈ ОСНОВ ГО ЗАГУБИЛО ИЗБИРАЧКОТО ПРАВО, ВРЗ ОСНОВА НА ПРЕТХОДНА ПРОВЕРКА ВО ПОДАТОЦИТЕ ОД МАТИЧНИТЕ КНИГИ, ЕВИДЕНЦИЈАТА НА ЖИВЕАЛИШТЕ И ЗА ДРЖАВЈАНСТВО НА РЕПУБЛИКА МАКЕДОНИЈА, ДРУГИ СЛУЖБЕНИ ЕВИДЕНЦИИ И СО НЕПОСРЕДНО ПРОВЕРУВАЊЕ, СОГЛАСНО СО УСВОЕНИОТ ПРАВИЛНИК ЗА МЕТОДОЛОГИЈА ЗА ЦЕЛОСЕН ПРИСТАП, ВРШЕЊЕ ПРОМЕНИ И БРИШЕЊЕ НА ПОДАТОЦИ ВО ИЗБИРАЧКИОТ СПИСОК.

Што значи ова во превод на македонски јазик:

  1. ДИК не смеела да ме избриши доколку сум во матичните книги, евиденцијата за живеалишта и за државјанство на РМ и други службени евиденции (пензиско, здравствено, вработување, УЈП и сл.). Јас се наоѓам во овие книги што значи дека ДИК постапила спротивно на член 42 став 1 од Изборниот законик, односно сториле кривично дело.
  2. До ДИК не е доставено барање од граѓанин со кое се бара бришење на моето име од избирачкиот список заради тоа што не постојам и не живеам на таа адреса. Тоа значи дека ДИК го прекршила член 42 став 2 од Изборниот законик, односно сториле кривично дело.
  3. За мене нема податоци дека сум почината или дека сум го загубила бирачкото право. Тоа значи дека ДИК го прекршиле член 42 став 3 од Изборниот законик, односно сториле кривично дело.

ОВА ЗНАЧИ ДЕКА ЈАС ПО НИКОЈ ОСНОВ НЕ ТРЕБАЛО ДА СЕ ПОЈАВАМ НА БИЛО КАКОВ СПИСОК НА ЛУЃЕ ЗА КОИ ПОСТОИ СОМНЕНИЕ, ИЛИ, ДИК НАМЕРНО МЕ СТАВИЛО НА ТАКОВ СПИСОК, ШТО ПРЕТСТАВУВА ЗЛОУПОТРЕБА НА СЛУЖБЕНАТА ДОЛЖНОСТ СО НАМЕРА НЕКОМУ ДА МУ СЕ НАНЕСЕ ШТЕТА, Т.Е. ДА МУ СЕ ОГРАНИЧИ ОСНОВНО ЧОВЕКОВО ПРАВО.

Со наредните промени (Службен весник на Република Македонија бр. 136/2016) пратениците усвоиле нов член, член 196-б, со кој:

(1) Заради организација на предвремените избори за пратеници во Собранието на Република Македонија кои ќе се одржат во 2016 година, Државната изборна комисија во рок од три дена од денот на влегувањето во сила на овој закон, граѓаните за кои при административните и теренските проверки спроведени согласно со Правилникот за методологија за водење и ажурирање на избирачкиот список ЗАСНОВАНА НА ПРОВЕРКИ И СТАТИСТИЧКИ АНАЛИЗИ, ВКРСТЕНИ ПРОВЕРКИ НА РАЗЛИЧНИ БАЗИ НА ПОДАТОЦИ И ЕВИДЕНЦИИ, НЕОГРАНИЧЕНИ ТЕРЕНСКИ ПРОВЕРКИ И ДРУГИ СООДВЕТНИ ПРИЗНАТИ МЕТОДИ НА ПРОВЕРКИ, УТВРДИЛА СПОРНИ ЗАПИСИ, ОДНОСНО НЕСОВПАЃАЊЕ НА ПОДАТОЦИТЕ за граѓаните предмет на проверки во Избирачкиот список, во бројка од 39.502 лица, ќе ги стави на јавен увид на веб страницата на Државната изборна комисија, ќе спроведе медиумска кампања и ќе објави јавен повик за пријавување.

ДРЖАВНАТА ИЗБОРНА КОМИСИЈА, И ПОКРАЈ ТОА ШТО БЕШЕ ЈАВНО ПРЕДУПРЕДЕНА ДЕКА ИМА НАПРАВЕНО ГРЕШКА И ДЕКА ГО ПРЕКРШИЛА ЧЛЕН 42 ОД ИЗБОРНИОТ ЗАКОНИК, НЕ САМО ШТО НЕ ЈА ПОПРАВА ГРЕШКАТА ТУКУ СО НАМЕРА ГО БРИШИ МОЕТО ИМЕ ОД ИЗБИРАЧКИОТ СПИСОК, БЕЗ ДА НАПРАВИ ПРОВЕРКИ И СТАТИСТИЧКИ АНАЛИЗИ, ВКРСТЕНИ ПРОВЕРКИ НА РАЗЛИЧНИ БАЗИ НА ПОДАТОЦИ И ЕВИДЕНЦИИ, НЕОГРАНИЧЕНИ ТЕРЕНСКИ ПРОВЕРКИ И ДРУГИ СООДВЕТНИ ПРИЗНАТИ МЕТОДИ НА ПРОВЕРКИ. ВАКВО НАМЕРНО БРИШЕЊЕ ОД ИЗБИРАЧКИОТ СПИСОК Е КРИВИЧНО ДЕЛО СОГЛАСНО ЧЛЕН 159 ОД КРИВИЧНИОТ ЗАКОНИК.

ЗАКЛУЧОК:

Нема потреба да ги тужам пратениците од Собранието на Република Македонија кои донесле соодветна законска регулатива, туку членовите на ДИК кои ја злоупотребиле должноста која им е дадена и намерно ми го ограничиле правото на избор.

И уште еднаш ќе прашам: можно ли е, толку да не се разбира правото?

Најверојатно е можно доколку е некој многу глуп, или е криминалец (на кој главен непријател му е токму правото), или е глуп криминалец, или криминален глупак, или, едноставно, некој кој е само криминално глуп.

КРИВИЧНА ПРИЈАВА ВО ОДБРАНА НА УСТАВНО ЗАГАРАНТИРАНОТО ПРАВО НА ИЗБОР

Во прилог ја давам кривичната пријава која ќе ја поднесам заради тоа што сум противуставно и противзаконски избришана од Избирачкиот список на Република Македонија од страна на членовите на Државната изборна комисија:

Бр. ______________

 

До: Основното јавно обвинителсто

Скопје – Република Македонија

 

Подносител:  ———————–,

Скопје, ул. ———————-

ЕМБГ ——————–

 

Тужени: г. Александар ЧИЧАКОВСКИ, претседател,  Реџеп Прекопуца – потпредседател, Атанас Урумов, Бедредин Ибраими, Виолета Дума, Игор Милев, Сашо Срцев, Силвана Бонева, Д-р. Субхи Јакупи, членови на

Државната изборна комисија на Република Македонија

 

КРИВИЧНА ПРИЈАВА

 против г. Александар ЧИЧАКОВСКИ, претседател,  Реџеп Прекопуца – потпредседател, Атанас Урумов, Бедредин Ибраими, Виолета Дума, Игор Милев, Сашо Срцев, Силвана Бонева, Д-р. Субхи Јакупи, членови на

Државната изборна комисија на Република Македонија

 Државната изборна комисија, под претседателство на г. Александар Чичаковски и членовите Реџеп Прекопуца – потпредседател, Атанас Урумов, Бедредин Ибраими, Виолета Дума, Игор Милев, Сашо Срцев, Силвана Бонева, Д-р. Субхи Јакупи (натаму: Чичаковски и другите) противправно го избришале Подносителот на оваа Пријава од Избирачкиот список на Република Македонија во периодот 20 – 31 август 2016 година и со тоа го сториле кривичното дело „Повреда на избирачкото право“ предвидено со членот 159 став 1 од Кривичниот законик[1].

Од таа причина, Подносителот, благовремено поднесувајќи ја оваа Кривична пријава, бара Јавното обивинителство да ја испита оваа кривична пријава, да ја констатира фактичката состојба и да поведе кривична постапка против Чичаковски и другите.

 

О б р а з л о ж е н и е

Чичаковски и другите го злоискористиле постапувањето по членот 196-б од Изборниот законик да го избришат Подносиелот на Пријавава наводно заради жителство во ист стан со лице со различно презиме, а родено во период помалку од една година.[2] Иако ова не е законски утврден услов, ниту пак се работи за противправност од каков и да е вид, врз основа на ова и само на ова тие претходно го ставиле Пријавителот на тнр. Список на спорни гласачи.

Доказ бр. 1: Список спорни гласачи од 01.08.2016 година

Меѓутоа, Чичаковски и другите, притоа, очигледно свесно се оградиле од вкупниот текст на одредбата од ставот 1 на членот 196-б од Изборниот законик. Имено, оваа одредба прецизно утврдува кумулативно користење на сестрана, цитирано: „…методологија за водење и ажурирање на избирачкиот список заснована на проверки и статистички анализи, вкрстени проверки на различни бази на податоци и евиденции, неограничени теренски проверки и други соодветни признати методи на проверки…“. Со тоа, од една страна, клучно е да се дојде до „…несовпаѓање на податоците за граѓаните предмет на проверки во Избирачкиот список…“, или со други зборови за еден конретен граѓанин да има различни податоци (на пример во две евиденции различни адреси на живеење, или различен единствен матичен број на граѓанинот и тн.). Значи, не се работи за тоа да се утврди несовпаѓање на податоците на еден граѓанин со податоците на друг граѓанин, што е само по себе и апсурд и смешно.

Од друга страна, до ваков апсурд и не би се дошло доколку Чичаковски и другите ја извршеле совесно својата работна задача. Нагласката е на вкрстени проверки на различни бази!!! Меѓутоа, тоа во овој случај не е направено, иако Чичаковски и другите располагаат со бази податоци во врска со вработувањето, пензиското, социјалното и здравственото осигурување и тн. Подносителот, уште пред да започнат теренските проверки, со изјава дадена за средствата за јавно информирање ги предупреди Чичаковски и другите на нивните законски обврски.

Доказ бр. 2: Анализа направена за Сервисот за проверка на факти од медиумите “За правото се работи: Eдно ливче – тежок криминал“ од 24.032016, Изјава од блог пренесена во медиумите Либертас, Репортер, Слободна  “Како државата со која раководи (ВМРО)ДПМНЕ ми го одзеде избирачкото право и зошто треба да биде казнета“ од 19.08.2016, Изјава дадена за дневниот весник Нова Македонија од 20.08.2016

Меѓутоа, Чичаковски и другите, не само што не спровеле вкрстени проверки на различни бази, туку се апстрахирале  од законските услови за бришење лице од Избирачкиот список, а тоа се: смрт, одземање деловна способност и отпуст од државјанство. Со оглед на тоа што не се работи за законски услови што не ги знаеле, извесно е дека бришењето на Подносителот на пријавава од Избирачкиот список е не само свесно, туку и како што изискува одредбата опд ставот 1 на членот 196-б на Изборниот законик, е евидентно со намера направено. Најдобар доказ за познавањето на законските услови по кои едно лице може да се избрише од Изборниот законик е тоа што само тие три услови фигурираат на табеларниот приказ на редовните месечни извештаи токму на ДИК.

Доказ бр. 3: Збирен месечен извештај бр. 17-2102/1 од 10.08.2016 г.

Со сторувањето на кривичното дело за кое се товарат, Чичаковски и другите со бришењето на Подносителот на Пријавава го повредиле и вкупниот правен систем на Република Македонија, односно се повикале на употреба на различни презимиња, а со што го погазиле Законот за семејство на Република Македонија (член 31), а со кој децидно се утврдува можноста брачните другари да го задржат секој своето презиме. Произлегува дека доколку во Република Македонија две особи се решиле да ја применат оваа законска можност – ќе бидат казнети со бришење од Избирачкиот список, а Чичаковски и другите токму тоа го сториле.

Доказ бр. 4: Извод од електронската проверка на Избрирачкиот список од 01.09.2016 година

Од горенаведените причини, Подносителот бара Јавното обивинителство да ја испита оваа кривична пријава, да ја констатира фактичката состојба и да поведе кривична постапка против Чичаковски и другите.

 

———– 2016 година

 

Подносител на Пријавата:

 

 

_________________________

[1] КЗ, Повреда на избирачкото право, Член 159: (1) Член на изборен орган или друго службено лице кое во вршењето на службата во врска со изборите или гласањето, со намера да му оневозможи на друг вршење на избирачко право, противзаконито не ќе го запише во избирачки список или во листа на кандидати или ќе го избрише од избирачки список или од листа на кандидати или на друг начин ќе го лиши избирачот од правото да избира, да биде избран или да гласа, ќе се казни со затвор најмалку три години.

 

[2] Да се најдат избирачи по станови (т.е. адреси со број на стан кои не се празни) каде има друг гласач со различно презиме на истата адреса чија возраст е различна за 2 дена до 10 месеци.

КАКО ДРЖАВАТА СО КОЈА РАКОВОДИ (ВМРО)ДПМНЕ МИ ГО ОДЗЕДЕ ИЗБИРАЧКОТО ПРАВО И ЗОШТО ТРЕБА ДА БИДЕ КАЗНЕТА

Правото на избор е еден од темелите на современата демократија и заштитата на ова право е должност на секоја демократска држава.

Оневозможувањето на изборот, ограничувањето на правото на избор, манипулацијата со изборите се гонат кривично, по службена должност и се казнуваат многу строго. Тоа е задача на државата.

Државата на чија раководна позиција се наоѓа ДПМНЕ 10 години ја злоупотребуваше својата надлежност и го загрозуваше правото на избор на своите граѓани.

Еден од начините на злоупотреба беше (е) манипулацијата на избирачкиот список.

  1. Државата во која власта ја држи ДПМНЕ континуирано внесуваше хаос во избирачкиот список со тоа што не го ажурираше (не ги бришеше починатите, оние кои веќе немаат македонско државјанство или пак одамна ја промениле адресата на живеење).
  2. Државата во која власта ја држи ДПМНЕ преку криминалната испостава која работи во просториите на Министерството за внатрешни работи издаваше (па и се уште издава) лични карти (документи за идентификација), на луѓе кои не се граѓани на Република Македонија и кои не би требало по ниту еден основ да имаат ваков документ, ниту пак право на глас во Република Македонија.
  3. Државата во која власта ја држи ДПМНЕ преку криминалците инфилтрирани во работата на Државната изборна комисија, со години спречуваше било кој облик на фактичка проверка на гласачкото тело.
  4. Државата во која власта ја држи ДПМНЕ оневозможи попис на населението и со тоа оневозможи било каква проверка на ситуацијата со гласачкото тело.
  5. Државата во која власта ја држи ДПМНЕ инфилтрираше свои криминалци во сите државни институции во кои се собираат податоци за населението и на тој начин овозможи лажирање на бројките на сите нивоа.

На овој начин државата во која власта ја држи ДПМНЕ можеше без проблеми да манипулира со бројките и да си обезбеди континуирано лажирање на сите изборни циклуси.

Дури и тогаш кога лагите излегоа на виделина и кога нелогичностите го достигнаа она ниво кога веќе не можат да останат незабележани, државата во која власта ја држи ДПМНЕ не прифати одговорност и не се согласи да го направи најнормалното нешто кое треба да го направи една власт која себе се нарекува демократска – да го провери избирачкиот список.

Заради ова, мораа да дојдат луѓе од страна, да извршат крајно непримерен притисок врз власта и да наметнат методологија со која ќе се провери дали меѓу оние кои се запишани на списокот има умрени, луѓе кои не живеат во Македонија, луѓе кои не се државјани на Македонија и луѓе на кои во последните 10 години им се издадени лични исправи со кои се тврди дека се државјани на Македонија и покрај тоа што не се.

Многу едноставно нели?

ДПМНЕ реши да ги употреби сите ресурси на државата кои му стојат на располагање и да најде начин како да избегне од избирачкиот список да бидат тргнати имињата на луѓето чии гласови можат да бидат употребени во нивна корист.

  1. Ги искористи инфилтрираните криминалци во државните институции и го лажираше процесот на споредба меѓу различните бази на податоци.
  2. Ги искористи криминалците инфилтрирани во Државната изборна комисија и создаде хаос во процесот на проверка.
  3. Преку криминалците инфилтрирани во Државната изборна комисија ги украде податоците од избирачкиот список и ги лажираше.
  4. Во методологијата внесе низа нелогични прашања кои овозможуваат манипулација со крајните резултати.

Резултат на овие активности беше:

  1. Сите имиња на луѓе кои немаат избирачко право да останат на избирачкиот список.
  2. Да се направи листа од имиња на луѓе кои по ниту еден основ не се сомнителни како гласачи
  3. Да се принудат луѓето да го докажуваат правото да бираат, наместо обратното, да бидат изнесени аргументи со кои се оспорува нечие право.

Државата во која власта ја држи ДПМНЕ прогласи дека ме нема во ниту една база на податоци во државните органи кои ги раководат криминалците на ДПМНЕ, дека не живеам на адресата на која живеам веќе 35 години, дека лажно се претставувам како државјанин на Македонија, дека сум ги фалсификувала мојата лична карта и патна исправа, дека противзаконски работам веќе 35 години во државна институција, дека немам имот на мое име и дека не плаќам даноци.

На тој начин, државата во која власта ја држи ДПМНЕ ми го одзеде правото на глас. Ме избриша од бирачкиот список на кој сум запишана веќе 42 години. И нешто повеќе. Државата со која раководи ДПМНЕ ме прогласи за криминалец.

Picture1

За да си го вратам правото на глас јас треба да докажувам дека не сум криминалец кој фалсификува јавни исправи, дека сум државјанин на оваа држава,  и во крајна линија треба да докажувам дека постојам.

Државата е должна да ги штити моите права. Во моментот кога ми е одземено правото на глас од страна на  државата со која раководи ДПМНЕ таа ги прекршила Уставот, меѓународните конвенции и националните закони.

Претставниците на таа држава кои се задолжени во рамките на Државната изборна комисија да го заштитат моето право на избор, мора кривично да одговараат. Тоа важи и за претставниците од другите партии и наводно независните експерти тоа го го дозволиле – тие станале соучесници во овој криминал. И тие мора кривично да одговараат заедно со оние од ДПМНЕ.

6579C7D4-693D-4A09-9FB9-C49EF867CE61_w987_r1_s

НАРОДОТ Е ГЛУП, ГЛУП И УШТЕ ЕДНАШ, ГЛУП

Насловот нема врска со содржината на написот, меѓутоа, искуството ми покажа дека ваквите наслови ги привлекуваат провладините медиуми (пардон – мегафони) па си реков ајде да пробам, можеби ќе го објават целиот текст заради насловот.

Имаме проблем.

Многу голем проблем.

 

Државата ни пука по сите шавови и пополека се распаѓа пред наши очи.

Узурпаторите на власта кои 10 години ги цедеа граѓаните, ги молзеа и шуреа, се обидуваат во ситуација на хаос да ушичарат уште некој денар на маката и трагедијата на граѓаните.

И секако, се обидуваат да направат магла во која ќе најдат виновници кон кои ќе го насочат гневот на граѓаните.

 

Што треба да направи една држава во ваква ситуација?

– да ја мобилизира целокупната механизација во државата (од сите актуелни градилишта) и да ја упати во подрачјата кои имаат претрпено штета.

– да ги ангажира сите расположиви човечки капацитети кои можат да помогнат со својата стручност и знаење (експерти, стручњаци, лекари, психолози и психијатри, …)

– да ги мобилизира невработените (отприлика 100000 до 40 години старост и со образование до завршено средно) кои за соодветна надокнада сакаат да се вклучат во расчистувањето на терен.

– да направи итна пренамена на парични средства кои се трошат за неегзистенцијални објекти и да ги канализира за санирање на штетите кои ги претрпеле граѓаните.

– да ги кумулира сите средства кои доаѓаат како помош од надвор и да направи план за распределба на иститепод постојана и многу отвотена контрола на граѓаните и на граѓанскиот сектор.

Ниту една од овие работи не може да ги направам јас или било кој друг претсавник на цивилното општетсво, на шарените, еднобојните или двобојните.

Овие работи може да ги направи само некој кој е на власт и кој во свои раце ги има ингеренциите да донесува одлуки и да раководи со државните органи.

Волонтерството и непосредното самоорганизирано помагање на настраданите од страна на граѓаните е потребно во првиот ден од несреќата додека да се активираат институциите.

Тоа што после 7 дена од несреќата има потреба од волонтери кои ќе работат на терен покажува дека не работат институциите.

Тоа што владее потполн хаос во распределбата на помошта на настраданите, покажува дека не работат институциите.

Тоа што нема тело кое транспарентно ќе известува за собирањето и распределбата на помошта која доаѓа од надвор, значи дека тие кои се на власта сакаат да ги украдат парите.

Тоа што не запираат градбите и не се прераспоредуваат парите, значи дека на тие кои се на власт ги боли патика за настраданите од поројниот дожд.

Тоа што политичарите си шљацкаат со нови чизмички по калта и носат каучи, значи или дека 13925270_10210408873562168_7992434017114940283_nнемаат појма што треба да прават или пак (што ми е многу веројатно) им фрлаат прашина (не, во случајов им фрлаат кал) во очите на граѓаните и печалат на нивната мака (било да станува збор за пари или пак за политички поени).

Едно да се разбереме, со соодветна употреба на сопствените средства и средствата кои доаѓаат од надвор, сите граѓани кои претрпеле штета можат да бидат обештетени (во потполност) и во рок од еден месец да започнат со нормален живот.

Немој да ве лажат и немој да прифаќате ништо помалку.

А после месец дена, треба да започне опсежна истрага за виновниците и одговорните за настанатите штети и за сите жртви од поројниот дожд.

Во меѓувреме, дај бре забркајте ги тоа политичарите и не дозволувајте да се измотаваат со вас. Испратете ги на нивните работни места и што е можно побргу да ви обезбедат нормален живот.

 

 

НЕ Е ДОВОЛНО ДА СЕ СОМНЕВАШ ЗА НЕШТО ДА ПРОГЛАСИШ ЗА СПОРНО

Бидејки живеам во држава која ја предводат кецароши, чии закони ги носат и спроведуваат кецароши и во која кецарошите прават се што можат за да го спречат владеењето на правото (кое ниту го разбираат ниту пак можат да го спроведат), еве, уште еднаш, да пробам да објаснам, за граѓаните.

Избирачкото право е едно од основните права кои се гарантирани со Уставот на државата. Според членот 22 од Уставот – Секој граѓанин со наполнети 18 години живот стекнува избирачко право. Избирачко право немаат лицата на кои им е одземена деловната способност.

Што значи ова во превод:

  1. – Нема никаков дополнителен услов за остварување на избирачкото право освен државјанството и полнолетството (не е важно со кого си, какво презиме имаш, колку деца имаш, на која возраст е твојот сопруг/сопруга, која е разликата во години меѓу вас, дали живееш сам или со мама и тато, …). За некој да нема бирачко право треба да не е полнолетен и да нема државјанство на Република Македонија.
  2. – Единствен исклучок претставува одземената деловна способност.

Тоа значи дека никој нема право да го одземе или ускрати нечие избирачко право на полнолетен, деловно способен граѓанин на Република Македонија.

Доколку некој го избрише некого од избирачкиот список со тоа тврди дека некој не е полнолетен, дека не е државјанин на Република Македонија или пак му е одземена деловната способност.

Полнолетството и државјанството се докажуваат со валидна лична карта или пасош (патна исправа). За деловната неспособност треба да има судска одлука донесена во соодветна процедура.

Тоа понатаму значи дека, доколку некој сака да го избрише моето име од избирачкиот список треба да докаже дека не сум полнолетна, дека не сум државјанин на оваа држава или дека постои одлука со која сум прогласена за деловно неспособна.

Доколку постои сомневање за моето полнолетство, се врши проверка во матичните книги во МВР/Министерството за правда и надлежен орган изработува индивидуално решение во кое се дадени податоците од кои се гледа дека не сум полнолетна.

Доколку постои сомневање за моето државјанство (кое се докажува со важечка лична карта или патна исправа), се врши проверка со вкрстување на податоците со податоци во другите институции (на пример се проверува државјанството на родителите, проверка дали сум добила отпуст од македонско државјанство, …) и надлежен орган (МВР) носи решение со кое се прогласувам за странец и ми се одзема личната карта, патната исправа и против мене се поведува постапка заради фалсификат или лажно претставување, … Впрочем, според Законот за државјанство “За стекнување, односно престанување на државјанството на Република Македонија, се известуваат надлежните државни органи и организации кои го евидентираат податокот за државјанството во евиденциите за кои со закон се овластени да ги водат.“.

Доколку се утврди дека има судска одлука со која сум прогласена за деловно неспособна, ми се назначува старател или, доколку таков веќе е назначен, му се испраќа допис со кој се известува за бришењето од избирачкиот список.

Секоја друга постапка, со која ми се ограничува избирачкото право е противуставна, спротивна на ратификуваните меѓународни договори и кривичниот законик ја санкционира со казна затвор од најмалку три години (а најмногу доживотен затвор).

Во законите може да се определат начини на проверка, посебни методологии и процедури. Нема ништо погрешно во проверките. Тие се добри и треба да бидат направени. Во актуелниот момент се прават вкрстувања затоа што не му веруваме на нашето Министерство за внатрешни работи и тоа со добра причина. И тоа е кажано во Правилникот со кој е дефинирана методологијата. Меѓутоа, тоа се методологии, начини на проверка и процедури кои треба да ги спроведат државните органи со цел утврдување дали имам или немам бирачко право. Доколку вкрстувањето се прави со податоците во пензиско, здравствено, социјално осигурување и тие се поклопуваат, апсолутно нема основа за сомневање во нивната веродостојност.

Доколку податоците се појавуваат само и единствено во МВР (во кое се сомневаме заради тоа што го водела 10 години банда од криминалци)  државниот орган кој се сомнева во моето бирачко право може да поведе постапка пред надлежен орган, а надлежниот орган ќе донесе решение со кое ми се одзема правото. Тоа решение можам да го обжалам (да поведам управен спор пред Управниот суд) и доколку го докажам спротивното да барам и соодветна оштета и се разбира нечија одговорност.

Меѓутоа, никако (читај НИКАКО), не може државата да ми го одземе бирачкото право како дел од некоја методологија која си ја усвоила некоја комисија и да ме избрише од бирачкиот список, затоа што некој мисли дека, на пример, е многу сомнително тоа што имам различно презиме од сопругот, тоа што е тој  три месеци помлад од мене и во исто време живееме на иста адреса со   (а можеби и спиеме во иста соба, или не дај боже, во ист кревет).

Овие фичфиричи, не се само кецароши, туку се и мрзи невидени. Ако еден индикатор насочува кон нешто сомнително, тие имаат на располагање уште 10 други евиденции да го проверат тоа. Арно ама мрзата е поголема од се и тие решиле да ни ја префрлат нивната работа (за која се добро платени) да ни ја префрлат нам – ние да докажуваме дека сме живи и дека сме државјани на оваа држава. При тоа не се повикуваат ни на Устав, ни на закон, туку на договор на четири партии.

Кецароши едни мрзливи, седнете и сработете си ја работата. Ако после вкрстувањето со сите бази на податоци навистина не се совпаѓаат податоците, поведете валидна постапка и дајте ми валидно решение со кое се прогласувам за неполнолетна или за странец или за деловно неспособна.

ИМАМ ПРАВО И ДОЛЖНОСТ ДА СЕ ПОБУНАМ ПРОТИВ ПОВРЕДАТА НА ОСНОВНИТЕ ЧОВЕКОВИ ПРАВА И СЛОБОДИ – ЗАТОА ШТО СУМ ЧОВЕК, А НЕ ГОВЕДО

За сите оние кои поминале моја обука, а заборавиле, и за сите оние кои не поминале моја обука, а се чудат зошто ги бришам и блокирам:

Picture1

Хоророт на Втората светска војна го создаде модерниот концепт на човековите права:

  • За да не се повтори историјата
  • За да се потенцира заедничкиот интерес на луѓето
  • За да се реафирмира вербата во достоинството и вредноста на човечкото суштество 
  • За да се изрази спремноста за заедничко спротивставување на вакви  повреди на хуманоста

Picture2

Луѓето утврдиле дека:

¨Молчењето и незаинтересираноста за страдањата на другите и за повредите на правата на другите стануваат дел од проблемот

¨Холокаустот не е несреќна случка во историјата туку последица на неделувањето на голем број луѓе“

Затоа што “Светот не е опасно место за живеење заради луѓето кои прават зло, туку заради луѓето кои седат и дозволуваат тоа да се случи“

Picture7

И, торурата е забранета во секој момент, во секоја околност и за секое човечко суштетсво (независно од тоа дали го нарекувате монструм или не).

Picture8

“ Тортура е секој акт со кој на некое лице му се нанесува големо страдање, физичко или душевно, со цел од него или од некое трето лице  да се добие известување или признание, да се казни за некое дело кое тоа или некое трето лице го сторило или има сомнение дека го сторило, да се заплаши или врз него да се изврши притисок, или некое трето лице да се заплаши или врз него да се изврши притисок, или од кој било друг мотив заснован врз каква било форма на дискриминација, кога таквата болка или страдање ги нанесува некој службеник на јавна служба или некое друго лице кое дејствува по службена должност или врз основа на изречен налог или согласност на службено лице.“

Turkish-soldiers

Забраната на тортурата е издигната на највисоко можно ниво затоа што:

  • – Сторител на тортурата е државата (олицетворена во своите службеници)
  • – Таа зад себе го има целокупниот систем кој ја дозволил, овозможил или не ја санкционирал тортурата
  • – Државата има можност за легитимна употреба на сила и оружје
  • – Државата има можност за прикривање и негирање и можноста за изнаоѓање оправдувања и изговори
  • – Државата има можност за истражување и употреба на науката во актот на тортура

И немој да сум слушнала било какво оправдување за она што го прави Ердоган, или, некој да ме праша, што пак ме интересира тоа што се случува во Турција.

И, курирчиња и слична гамад, ова е она што го предавам на семинарите и како професор. За ова сум професионалец, а балерина сум исто толку колку што сте вие новинари, колку што е Груевски политичар, колку што е Зврлевски јавен обвинител, колку што е Чавков министер за внатрешни работи, колку што е Елена Гошева уставна судијка.

12011395_1077029995640413_6743858685786025193_n

 

ЕПИДЕМИЈА НА ГЛУПОСТ И КОРУПЦИЈА ВЛАДЕЕ ВО МАКЕДОНИЈА

Не знам што е позаразно: глупоста или корупцијата. Некако на еднакво ниво ми доаѓаат.

Навидум паметни и чесни луѓе во физички допир со глупи и корумпирани поединци и групи, преку ноќ нагло се осипуваат со препознатливите чирови на глупоста и им се дига темтепаурата на корумпираност.

Неверојатно.

Само како пример да го земеме прочистувањето на избирачкиот список. Толкава концентрација на глупост и корумпираност околу едно вакво многу едноставно прашање, одамна не сум видела.

dik-sostav

Работата е всушност многу едноставна, меѓутоа голем број луѓе дигаат прашина за да не видиме дека всушност станува збор за нивна глупост и/или корумпираност.

  1. Прво и основно, нема преговори околу тоа дали треба или не треба да имаме чист избирачки список. Станува збор за една од алатките во остварувањето на базично човеково право (право на избор) кое е во темелите на демократската држава. Значи, мора да се направи се (читај СЕ) што е можно на луѓето да не им биде ограничено правото на глас, да им се олесни остварувањето на правото на глас и да се спречи злоупотребата на правото на глас. За ова не се преговара.
  2. Второ и многу базично, основата на прочистувањето е многу едноставна  (и ставена е во закон, Устав, меѓународни документи)- секој полнолетен граѓанин на Република Македонија кој има право на глас.

Што значи тоа за прочистувањето?

Тоа значи дека на списокот не треба да има малолетници.

Тоа значи дека на списокот не треба да има починати.

Тоа значи дека на списокот не треба да има луѓе кои немаат деловна способност која им дава право да гласаат.

Тоа значи дека еден човек треба да се најде само еднаш на избирачкиот список за да може да гласа еднаш, а не повеќе пати.

Тоа значи дека на списокот не треба да има луѓе кои не се државјани на Република Македонија.

Тоа се проверува натој начин што се утврдува дали тој човек има лична карта или пасош (се разбира важечки). Ако некој има лична карта или пасош (важечки – тој човек си има право да гласа во својата држава која му ги издала овие документи, покрај сите останати права кои си ги има како носител на тие документи).

Дали постои можност за постоење на лажни документи со кои се тврди дека е некој државјанин на една држава, а всушност не е.

Да. Може да има вакви документи. Тоа се лажни или, фалсификувани документи.

Како се проверува дали документите се лажни?

Со тоа што се гледа дали во базите на податоци на државата (социјала, пензиско, даночно, здравствено, книги на родени и умрени, книги на венчани, агенција за вработување, агенција за државни службеници, …) било каде, се појавува човекот во чиј документ се сомневаме и се споредуваат податоците. Доколку има непоклопување на податоците (не се појавува на ниту едно друго место, има различни податоци на различни места. …), постои сомневање за лажен документ (независно од тоа дали е направен во некоја визба или пак од страна на криминалец вработен во МВР).

Изработката на лажни документи за идентификација е кривично дело и тој човек се гони кривично (и се разбира сите оние во ланецот кои овозможиле изработка на ваков документ).

Значи, доколку моето име се наоѓа на списокот на сомнителни граѓани објавен на страната на ДИК, тоа значи дека:

  1. 1. Некој во Тимот за компјутерска проверка погрешил ептен – ептен или „погрешил“ како за кривично дело;
  2. 2. Некој од членовите на ДИК ептен му „помогнал“ на лицето од Тимот за компјутерска проверка за да „погреши“ што исто така е тамам за кривичен прогон (за тоа се нема функционален имунитет); и
  3. 3. Претседателот на ДИК е неспособен да собере два и два, односно да направи проверка и увид и да утврди кој и како подметнал редица имиња на овој мератен список. Самата глупост можеби и не е кривично дело, ама командниот синџир значи кривична одговорност на потписникот, односно Претседателот на ДИК.

Нема потреба од докази или нешто друго освен логика за да се разбере дека ова е така.

Компјутерите не лажат (и многу, многу ретко грешат и тоа на сосема поинаков начин)! Значи, ако некој тврди дека јас всушност не сум родена во Македонија, не сум живеела сите овие години во Македонија, не сум се школувала во Македонија, не сум работела, не сум плаќала данок и придонеси, не сум стапила во брак, немам деца, не сум заведена во катастар како сопственик, немам постојано живеалиште на кое можам да бидам најдена и на кое примам пошта …  тогаш некој го фалсификувал списокот кој е објавен на официјалната страна на ДИК и за тоа треба кривично да одговара, а јас да добијам и оштета по неколку основи.

П против П (партија против право)

Продолжуваат преговорите на партиските работни групи, се очекува договор

Со надежи за договор, продолжуваат преговорите во Пржино

Почнаa партиските преговори во Пржино

Партиите почнаа нова рунда од преговорите за излез од кризата

А јас пак гледам како Македонија за уште неколку чекори се оддалечува од стандардите на современата демократија и владеењето на правото.

Најлошо е кога не успеваме да учиме на грешките од минатото и кога упорно ги повторуваме, постојано очекувајќи поинаков резултат.

Зар навистина ни треба уште еден Охридски договор со кој ќе се заташка прекршувањето на законите, ќе се амнестираат криминалците, а партиите и партиското договарање ќе ги заменат сите државни органи и целокупната легислатива?

Зошто излегоа граѓаните на улица и зошто уште се влечат по улиците?

1. Излегоа заради тесната поврзаност на државата и партијата и употребата/злоупотребата на државните органи од страна на партијата.

2. И заради нетранспарентното донесување одлуки и отсуството на граѓаните од процесите на одлучување.

3. И заради владеењето на партиското самоволие наместо владеењето на правото.

4. И заради отсуството на независни контролни механизми на власта.

5. И заради  теснопартиски приод кон нештата наместо почитување на плурализмот на интереси и потреби на граѓаните.

Ако е ова точно, тогаш на кој начин договор кој ќе го направат четири политички партии зад затворени врати може да биде во функција на:

  • – намалување на поврзаноста на партијата и државата (кога партијата решава во име на државата);
  • – транспарентно донесување одлуки со учество на граѓаните (кога се се прави во тајност, а граѓаните се исфрлени од процесот на одлучување и оставени да си се шетаат по улиците);
  • – владеење на правото наместо партиското самоволие (кога се слуша само зборот на партиските челници надвор од се’ она што претставува државно структуирање);
  • – воспоставување контролни механизми на власта (кога не се прифаќаат контролни механизми дури ни во процесот на преговарање):
  • – поддршка на политичкиот плурализам наместо партиско себезадоволување (политичкиот плурализам е многу поширок поим од партискиот плурализам; оттука, како до плурализам кога во ниту еден момент не се слуша гласот на различните).

 

Охридскиот рамковен договор ја продуцираше актуелната политичка и правна криза со тоа што создаде паралелен систем на формално постоење на норми и институции, а фактичко решавање на работите со директно договарање на две криминални банди кои себе се нарекуваат политички партии (мислам на ДУИ и ДПМНЕ).

 

Договорот од Пржино го прави истото тоа, со потполно негирање на правото, на демократијата, на плурализмот и партиципацијата на граѓаните.

Одбивањето да се формира експертска влада која ќе ги постави основите на демократското владеење базирано на правото е само ширум отворена врата за партиско делење на колачот, амнестирање на криминалците, уништување на државната структура и оневозможување во поблиска и подалечна иднина да профункционира било што надвор од политичките партии. И, без никакво сомнение, по Охрид и Пржино, да ни треба некој друг договор – можеби склучен од истите четири партии во – Припор!!!

Не ни требаат херои и хероини. Не ни е потребен водач качен на бел коњ. Не ни се потребни предводници. Потребни ни се правила, процедури и критериуми кои ќе бидат однапред донесени со учество на граѓаните, кои ќе траат и кои ќе важат подеднакво за сите.

Ако во овој момент граѓаните не го преземат процесот во свои раце, тогаш ќе бидат само пиуни во еден нов партиски дил, кој можеби ќе обезбеди смена на актуелната власт (или барем еден дел од криминалците од актуелната власт), но нема да обезбеди владеење на правото, плурализам, партиципација на граѓаните и контрола над секој оној кој ќе дојде на власт.

Работата е ние да ги искористиме странците со цел воспоставување услови за градење на демократска држава во која ќе владее правото, а не странците да не’ искористат нас за воспоставување нов естаблишмент кој ќе обезбеди мир и релативна стабилност за да не мора да се занимаваат со еден прцул од држава толку време.

Не случајно, странците се оградија од Шарената револуција и нејзините барања и не случајно ги затворија вратите за претставниците на Шарената револуција. Не случајно го откачија Ван Хојте и не сакаат ни да го погледнат Блупринтот направен од страна на граѓанските организации и граѓаните кои ја поддржуваат Шарената револуција.

За нив е сосема во ред и сосема доволен нов Охридски договор.

За нас не е и не смее да биде.

Јас мислам дека е време да отидеме до Пржино. Затоа што   се решивме да се бориме за своите права и тоа треба да заврши во наша корист, а не само да го смениме јавачот.

Ниту една одлука без граѓаните!

Timeo hominem unius libri

Бев таму со 10000? 20000? 30000? луѓе. Ама баш луѓе.

13466093_10208415296158229_1864124161200806243_n-1

Многу беа и сите беа многу живи (немаше кукли маскирани како граѓани).

И беа многу различни. Млади и стари и жени и мажи, со различно образование, со различна етничка припадност, со различни уверувања и политички определби. Имаше ептен леви и ептен десни и некои многу во центарот и некои без никакви политички определби.

Беа таму не затоа што некој ги присилил, затоа што им се заканил, затоа што ги купил или ги подмитил.

Не.

Беа таму затоа што се свесни и достоинствени човечки суштетсва, кои знаат дека живеењето во смрдлив ќенеф не е највисокиот дострел на живеење и дека имаат право на подобар живот, повеќе права, поголема заштита, поголема слобода. Беа таму затоа што знаат дека имаат право на иднина, ама и на сегашноста во која ќе живеат како луѓе, а не како стока.

Сите знае точно зошто се таму. Знае што бараат и што очекуваат.

И сите беа многу бесни. Бесни што и после јасно искажаните барања се уште мафијата ги држи конците во свои раце. Бесни на себеси што толку години трпеле и бесни на сите оние кои не се таму и со тоа го потмогаат преживувањето на криминалците на власт.

Бесни доволно за да посакаат да ја освојат зградата на Собранието и покрај кордоните полицајци и водените топови и гумените куршуми и шок бомбите и солзавецот и пендреците. Беа само на чекор од ова. И најверојатно, доколку мафијашите кои се на власт не станат свесни за огромната моќ на насобраниот бес кај граѓаните, идниот пат ќе го направат тој чекор. И тоа значи жртви, и значи бесмислено насилство и значи бесмислено разурнување.

И да сум на нивно место, ќе се плашам од бесот кој ќе се излее, не врз спомениците, не врз зградите, не врз објектите, туку врз нив самите. Долго собиран бес на луѓето кои биле лажени и мамени и газени и понижувани и убивани.

Мислам дека е последен момент да се тргнат. Додека можат.

Бев таму со 100?,200? 500? 1000? полицајци. Многу тажна збирштина.

Не верувам дека било кој од нив го прочитал или го разбрал Законот за полиција и членот 3 од овој закон во кој се вели:

Основна функција на Полицијата е заштита и почитување на основните слободи и права на човекот и граѓанинот гарантирани со Уставот на Република Македонија, законите и ратификуваните меѓународни договори…

Не верувам дека било што им значи оваа законска определба ставена пред заштитата на јавниот ред и мир, пред спречувањето и откривањето казниви дела, пред заштитата на правниот поредок. А за правата се работи. И основното право на луѓето да се побунат против валста која краде и лаже и убива.

Можеби еден ден ќе ја разберат.

Навидум бевме ние и тие. Ние облечени во маички (платени од наши пари) и дојдени таму за без пари, а тие облечени во униформи, панцири, со оружје и штитови (платени исто така од наши пари) и дојдени таму платени со наши пари.

Само навидум бевме ние и тие.

Всушност бевме ние (ние облечени во маички и ние облечени во униформи, панцири, со оружје и штитови).

Picturejas

prometej7-610x400

Сите ние кои го дишеме најзагадениот воздух на светот, сите ние кои пиеме најзагадена вода во Европа, сите ние кои имаме најнизок стандард во Европа, сите ние кои имаме најлошо образование во Европа, сите ние кои имаме најкорумпирана власт во Европа, сите ние кои имаме најлошо здравство во Европа, сите ние кои имаме најкратопк век на живеење во Европа, сите ние кои живееме во држава со највисока смртност на доенчиња во Европа.

И ние облечени во униформи, панцири, со оружје и штитови не разбираат дека нивните мајки и таковци и нивните деца и браќа и сестри ќе умираат затоа што некој ги птрошил парите наменети за здравство за гаќестиот позлатен споменик кој го штитеа. Ние облечени во униформи, панцири, со оружје и штитови не разбираат дека имаат право на подобар живот, на иднина и имаат право да влезат во 21 век каде што се наоѓа остатокот од Европа. Ние облечени во униформи, панцири, со оружје и штитови не разбираат дека се ние, а не оние со мерцедеси купени од наши пари, со гардероби купени од наши пари, оние кои трошат 4000 евра на ручек за четворица (наши пари), оние кои ги трошат нашите пари на палми, стиропор и рингишпили, додека ние тонеме во каљуга.

Ние облечени во униформи, панцири, со оружје и штитови не разбираат дека оној чии наредби ги слушаат веќе уби осуммина нивни колеги и спремен е и сите нив да ги жртвува за да ги заштити украдените пари. Ние облечени во униформи, панцири, со оружје и штитови не разбираат дека 30000 луѓе можат да ги прегазат, ама не сакаат затоа што се ние.

И ние облечени во униформи, панцири, со оружје и штитови не разбираат дека една професорка на свои 60 години изиграва лудача и им се дере, затоа што знае дека се ние и дека не сака да настрадаат затоа што некој од зади ги подбуцнува и манипулира и искористува, за да си го заштити сопствениот криминален газ.

Вчера бев таму со ние во маички кои знаат што сакаат и со ние облечени во униформи, панцири, со оружје и штитови кои уште не разбираат дека се ние.

И ќе дојдам повторно, и повторно и повторно… Се додека сите ние не успееме да да го пречекориме јазот и да почнеме да си ја градиме сегашноста на 21 век.

А ние облечени во униформи, панцири, со оружје и штитови кои уште не разбираат дека се ние вчера не го штитеа споменикот на Прометеј.

Легендата за Прометеј, титанот кој кој ги сакал луѓето повеќе од боговите, се жртвувал за нив затоа што сакал да ги направи рамни на боговите и заради тоа бил сурово казнет, е една од најпрекрасните легенди од грчката митологија. И длабоко хумана.

Picture1

Никако не може да биде споменик на Прометеј она позлатено човече со смкнати гаѓи кое го поставија мафијашите како дел од големата пералница на пари. А токму тоа кичасто ругло го штитеа вчера ние облечени во униформи, панцири, со оружје и штитови кои уште не разбираат дека се ние.

Picture1

Ме прашаа дали се плашам од полицијата. Јас им реков дека не се плашам од ние облечени во униформи, панцири, со оружје и штитови кои уште не разбираат дека се ние.

Меѓутоа се плашам од секој човек кој има прочитано само една книга и кој мисли дека позлатениот кич е културно наследство. Е, од таквите многу се плашам.

←Older