Би додал, исто е проблематично што нема градоначалник ниту еден од ЛГБТ заедницата. Македонија до пред 20 години кривично гонеше заради вакви работи, така што мора да бидеме трпеливи.

Што се однесува поддршката за Вас, па не би рекол дека е потребно да се цимоли над фактот дека машинериите на СДСМ и анти-СДСМ се далеку помоќни и поорганизирани. И зошто да сметам дека 7.600 гласови за некој политички анонимус се многу? Партиската машинерија на ЛДП е моментално слаба и затоа с`е остана на Вас, кандидатката без искуство во политиката. Можеби требаше алтернативните средства (пред с`е интернет) да се користат поефикасно. Можеби требаше некоја готова стратегија од некоја друга земја (Словенија?) да се употреби.

Но, сепак, степенот на демократизација е исклучително низок – и ден денес власта се споредува со СДСМ и нивните приврзаници сите потези ги гледаат споредени со СДСМ. Затоа и не го заслужуваат името ВМРО, туку анти-СДСМ. Навистина е чудно дека тие што го плукаат „лицето БЦ“, денес не ги препознаваат копиите на неговите методи во делувањето на анти-СДСМ.

Нејсе, во секој случај партиското политичко ангажирање е премногу ригидно за новото време. Секој има интереси кои што мнооооооогу бргу се менуваат, и притоа излегува дека е природно да си одбираат МОМЕНТАЛНА партија/програма за која што ќе гласаат, а со цел да си го исполнат моменталниот интерес.

Со почит,
Киро

“Не е точно дека со чинот на негласање не го дале својот глас. Со тоа што не излегле и не го дале гласот за некој друг, тие всушност гласале за Коце Трајановски или за Тито Петковски.”

Ме зачудува само фактот дека мојата професорка која се бори за човекови права со оваа реченица запаѓа во контрадикторност. Сетете се само дека сечие лично право е дали ќе излезе да гласа или не, значи право а не обврска, во спротивно би требало сите оние кои не излегле на гласање да одговараат пред законот. Но се додека имам право бирам да не гласам а кога ќе се сменат работите(значи ако воопшто се сменат) и кога ќе мора да се излезе на гласање пак ќе имам избор да го поништам ливчето. Тоа е мој избор а недолично од вас е тоа што однапред детерминирате дека со негласање всушност сме гласале за овој или оној. Ако е така тогаш вината не е моја затоа што сум избрал да не гласам туку на државната машинерија која тоа го злоупотребува.
И еден друг факт, мој роднина кој е одамна починат благодарение на тоа што го имам неговиот матичен број па успеав да го проверам во избирачки список каде што е наведено дека тој(иако одамна починат) сеуште гласа. Зарем и тој е виновен што не излегол на гласање???
Консолидирајте си ги мислите пред да судите над нечие право на избор дали ќе гласа или не.
Всушност како би изгледал еден народен избраник во еден ваков хипотетички случај, следи, на пример изборно место кое има 50000 гласачко тело, каде излезноста е 60% (значи излегле 30000) а од нив 16000 гласале за еден кандидат. Зарем е тоа праведност??? Да не зборуваме дека од 50000 гласачко тело населението во тоа избирачко место може да изнесува 60000 и значи 16000 владеат со останатото огромно мнозинство. Зарем е тоа праведно и легитимно???
Поарно вакви работи да спориме отколку да спориме за индивидуалните граѓански и политички права!

Киро, јас зборувам токму за фактот дека јас сум можеби политички анонимус (иако и за тоа може муабет да свртиме), меѓутоа не сум анонимус во невладиониот сектор. А невладиниот сектор не препозна шанса во можноста некој од неговите редови да биде на чело на Градот.

Александар, мешаш баби и жаби. Воопшто не станува збор за индивидуалното право на избор, станува збор за фактичка ситуација на себеамнестирање од одговорност со тоа што ништо не е превземено.

Во кривичното право тоа би било дело со несторување. Ајнштајн тоа го изразил со зборовите: не е проблем тоа што во светот постојат луѓе што прават зло, туку тоа што постојат луѓе кои дозволуваат злото да се стори.

Со тоа што некој не излегол да гласа, а јасно е дека ќе победи оној зад кој стои партиска машинерија, тој всушнос си создал само многу кршливо алиби дека не е учесник во злото. Тој самиот директно придонесол да дојде на власт некој Коце или Владимир Тодоровиќ, или Иванов или, …

Демократијата подразбира елементарна свест за последиците на она што го правиме (или не го правиме) и превземање на одговорноста за она што сме го сториле или не сме го сториле, а сме можеле да го сториме.

И немној да ми продаваш речник на навреди и омаловажување затоа што сум малку пис оф од некултурни говеда околу мене и ќе бришам се што ќе ми замириса на навреда.

Ако знаеш да дискутираш без шлакутници бујрум, ако не оди на блог.ком таму можеш да се измотаваш колку што сакаш.

Ниту една навреда не видов во горенапишаното а ако ви пречи тоа што имам свое мислење слободно кажете и нема никогаш да пишувам на вашиот блог. Досега ниту еднаш не сум ве навредил ниту ми била намерата тоа, за разлика од вас вие веќе со терминот „неклутурни говеда“ ги надминувате сите мои зборови досега напишани во кои ама ниту еден не содржел навреда.

„Со тоа што некој не излегол да гласа, а јасно е дека ќе победи оној зад кој стои партиска машинерија, тој всушнос си создал само многу кршливо алиби дека не е учесник во злото. Тој самиот директно придонесол да дојде на власт некој Коце или Владимир Тодоровиќ, или Иванов или, …“

Според логиката на ова ако излезам да гласам за овие напоменатите сносам одговорност ама и ако не гласам исто така сносам одговорност што а приори значи дека немам ама баш никаков избор, освен да гласам за вас, трето не гледам.
И пак ќе повторам, превземам одговорност со тоа што не сум гласал, затоа што го имам тоа право со фактот што постојам и никој не може да ми го одземе.
Не морате да бришете коментари само кажете и нема веќе да пишувам, затоа што не гледам логика да се брише коментар кој не навреди ама баш никого и не содржи ниту една вулгарност со својот состав.
Благодарам!

“Консолидирајте си ги мислите пред да судите над нечие право на избор дали ќе гласа или не.“ – ова е навреда

И имаше таму уште 9 различни луѓе за кои може да се гласа. И за разлика од претседателските кандидати може да кажам дека секој од нив понуди некоја интересна идеја и покри по некој аспект од функционирањето на градот. Единствена разлика е што зад некои стои голема машинерија (опасна по наплатата којашто после ќе ја направи), а зад други не.
Значи избор има, а негласањето исто така значи избор, само замаскиран.

Епа Најче добре дојде во реалноста. Кој точно очекуваше да те поддржи од невладиниот сектор? на кој начин? Невладиниот сектор треба да остане надвор од политичките партии. Лично кој како ќе си гласа е друга работа и во таа насока ти велам- добре дојде!
Јас гласав за тебе и не се срамам да кажам. Гласав затоа што ми се допадна твојата програма, твојот концепт за рушење кој му е најмногу потребен на овој град, гласав заради твојата енергичност и ентузијазам, гласав заради тоа што бев ужасната од програмите на останатите кандидати кои јасно и недвосмислено иницираа дислоцирање на центрите за лечење на зависности, недозволување на отворање нови во „нивните“ општини, гласав заради немилите случувања со квир сквер и аларова… ама јас. Многу мои геј пријатели гласаа за иванов и коце. Отпрво се чудев. Се обидував да им објаснам дека није у реду ама сепак па која сум јас да им кажувам дека треба да бидат субверзивни и прогресивни само затоа што припаѓаат на маргинализирани заедници. Зоишто побогу тие не би смееле да бидат конзервативни, религиозни, националисти…? По чему и каде е запишано дека геј луѓето, жените, ромите…мора да се либерални, субверзивни?
Јас се чудев и се нервирав зошто моите геј пријатели урлаа на велико кога ќе им спомнеш геј бракови, геј паради. Нивното мислење за массо, невладиниот сектор, човековите права се идентични со оние на грото од нашите граѓани. Некои од нив сметаат дека неменувањето на името е поважно прашање од насилството врз одредени групи. Ејј абе ми идело да ги тепам еден по еден. ама јеби га…никој не смее да им припишува на луѓето особини кои треба да ги имаат.
Секој со својот избор на крајот на краиштата.
Тебе ти посакувам успех понатаму. нека пукнат сите ама заслужуваш повеќе од градоначалничка фотелја. Не е ова кисело грозјето туку факт. Премиер ја би те ставила ама никогаш јас не сум се прашувала затоа ваква ни е државата )))

15 години инвестирано знаење, енергија, кредибилитет, приватен живот во невладиниот сектор, е многу голем влог. Ова ми беше чисто тест дали вреди или не. Една моја многу добра пријателка ми рече дека ми се воодушевува на издржливотс 15 години да удирам со глава во ѕид. Мислам дека го достигнав конечниот праг.

Јас ја ценам онаа народната, помогни си за и другите да ти помогнат. Се додека овој народ очекува разно разни најчиња, фемчиња, кочиња и слична багра да се пенават наоколу додека тие гледаат сеир и пуштаат отровни коментари, мислам дека нема шанси да се направи ништо добро.

Ентузијазмот ми го убија во 1995 година, вербата во 2001 година, а желбата во 2009.

Можеби за 10 години ќе пораснат, ако воопшто преживеат.

Што би рекле, со сила може да ти земам, ама не можам да ти дадам. Значи, наспроти некои изјави дека не се маргинализирани и притиснати, јас верувам дека има голем проблем по тоа прашање во Македонија… Но, сами треба да си станат и да се изборат за тоа. Ако треба и на улица, сепак за да дојде да биде Обама претседател, имаше неколку Маршови на милионите низ Вашингтон…
И верувај дека вреди, но, требаше Кочо или некој од нив да се кандидира, а не други во нивно име…

Кирил, многу се согласувам со тебе дека треба прво сами нешто да направат за да може било кој да им помогне. Меѓутоа тоа е најтешкиот дел. Ние уште не можеме ниту една жена за градоначалник или селоначалник да избереме, а камо ли да зборуваме за кандидирање на претставници на другите маргинализирани групи.

Хм, мислам дека треба да се укинат изборите на градоначалник и Претседател. И онака Советите/Собранието одлучуваат за с’е. Така ќе може да се воведе дека мора 1 од 3 да биде женско. Значи ќе се реши и за Претседател во исто време…

најче, дека тие што не излегле да гласаат си создале алиби дека не се учесници во злото кое ќе го запоседне градот после твојот пораз може да е точно само доколку претпоставиш дека сите тие апстиненти те гледале тебе како подобра алтернатива. Една претпоставка што е голем луксуз и дрскост по мене.

Дали можеби причината поради која не те избраа може да ја најдеш во потценувањето со кое гледаш на народот, кого го имаш не мал број пати наречено „ прост и глуп народ„, а кој уште еднаш го потврдуваш и во постов во стилот „нардоов е уште зелен и незрел (го чекаме да порасне), ама дотогаш сите ќе испоумрат (без мене)„. Ако некој има ваков расипан став, нема апсолутно што да бара на демократски избори. Ма какви избори, ни на пазар нема што да бара. Нека се затвори дома и нека си ја врши одговорно улогата на мизантроп. Ма да, што е за право, веќе го избравме еднаш Трифке, кој не почасти со идентична изјава, дека Скопјани се виновни за состојбите во Скопје, и Виена да им ја дадеш пак ќе ја расипеле. Заедничко ви е тоа што и ти и Трифке одговорноста за сопствениот неуспех (тој – да го направи градот да заличи на нешто; ти – да ја стекнеш довербата на граѓаните) ја гледате не кај севе, туку кај народот.

Колку и да те бива за експертиза за човекови права, со постов докажа дека во политика нема и не смее да има место за тебе. Во секој случај, се надевам дека вака или онака ќе ти биде поучно искуство. Поздрав.

Сатаниел, да ти поставам еве неколку прашања:
- Дали ти лично мислиш дека Коце Трајановски или Тито Петковски се луѓето кои знаат, можат и сакаат да воведат почитување на законите во Градот, да донесат непартиска администрација, да и се спротистават на урбанистичката мафија, да го заштитат Водно и зелените површини на Градот, да ги употребат парите во интерес на граѓаните, да обезбедат решавање на сообраќајниот хаос и да водат грижа за положбата на миноризираните групи. Значи, не зборуваме за мене, прашањето е дали сметаш дека тие тоа го можат и имаат намера ова да го направат?
- Кажи ми каде тоа јас сум го потценила народот. Дали мојот ангажман како адвокат на граѓаните во Хелсиншкиот комитет е доказ за тоа? Или можеби сите спротиставувања на власта и застапувањето на интересите на социјално загрозените, лицата со посебни потреби, жените, внатрешно раселените лица, корисниците на дрога, просјаците, ЛГБТ популацијата, Ромите, жртвите на урбанистичката мафија, жртвите на полициското насилство, затворениците, старите и децата е знак дека сум мизантроп кој мрази се околу себе и гледа да нанесе што е можно поголема штета?
- Покажи каде сум рекла дека луѓето ќе испоумрат и тоа без мене?
- Кажи ми дали ти не мислиш дека е дискриминација тоа што меѓу сите градоначалници нема ниту една жена? Во врска со ова погледни на оваа интернет страна: http://www.5050democracy.eu
И да ти кажам нешто драги мој. Ако ми треба мајстор за нешто јас ќе побарам експерт. Некој кој знае и умее, а не насмеана будала што ќе ми продава розеви ветувања и насмевски. Мајсторот не го сакам, туку ми треба и од него очекувам резултат. Се додека граѓаните не го сфатат тоа и се додека си бираат според килограм ветување и метар насмевка, се до тогаш не можеме да очекуваме дека ќе изградиме систем кој ќе работи за граѓаните, а не за интересите на мал број луѓе.

најче, јас ќе ти ги одговорам прашањата, ама напишаното во коментарот се уште си стои.
-Не мислам дека тие двајца гмизавци се правите луѓе за Скопје, но не зборуваме овде за тоа што јас мислам. Зборуваме токму за тебе како кандидат, и како другите гласачи те перцепираат.
-За потценувањето на народот, најми го волан да ти копа по архива. Мене ми е доволен и само овој најсвеж коментар:
„Можеби за 10 години ќе пораснат [граѓаните значи], ако воопшто преживеат.„
А за дали си мизантроп, сигурно не според фактичките ангажмани, се слагаме тука секако, но немаш такт, немаш харизма, немаш однос со обичниот народ, па затоа и те перцепираат како катил жена. За жал, политика не е само суштина и знаење, туку и шминка и ишарет.
-Да, е дискриминација што нема ниту една жена. Но и тоа не значи дека требаше да те гласаме тебе само за да има една да штрчи ради реда.

Искрено, не верувам дека причината што загуби на овие избори беше тоа што беше исправена против страшната партиска машинерија, предводена од никој друг туку опасните Тито и Коце. Како никогаш досега, народот имаше потреба да ја стави својата доверба во непартиски кандидати со веќе изграден кредибилитет. Арно ама, како што ти кажав и претходно, очигледно беше според резултатот дека ти не си правата личност за тоа.

Значи, прашањето е зошто изгубив? Ајде да видиме обратно: зошто добија другите кандидати, или, што имаат тие што немам јас?
1. Немаат интелегенција ниту пак знаење (тоа можеш да го провериш на четирите дебати, кои се дадени на блогот: http://moeskopjemojgrad.blog.com.mk/, ако имаш живци да ги ислушаш)
2. Имаат големи партии и партиски машинерии зад себе
3. Имаат пари
4. Имаат што да понудат (за урбанистичката мафија, за бизнисмените, за партиските војници)
5. Тие се мажи, а јас жена
Дали јас го потценувам повеќе народот или тие кои отворено го лажат и очекуваат секој пат одново и одново да им поверуваат во истите лажги?
За тактот и харизмата веќе ти реков. Кога барам доктор посебно за тешка болест, јас не барам згодно насмеано ждркле, туку способен специјалист со знаење (може да биде најгрдиот, најодвратен, намќор).
А тоа со обичниот народ и мојот однос посебно ме бендиса. Тоа Тито има добар однос со нив и Коце кои наоколу се движат во црни лимузини со по двајца телохранители и свита од десетина други. Тоа е навистина добар имиџ и шмек и претставување.
Ајде бре дете.
А и она, дека не си сакал да гласаш за жена само за украс. Ма, немој, а мажите што се изгласани за што се? За работа? Тоа се највредните и најспособните, нели?
Многу е интересно дека токму луѓето кои се изложени на најоголем број стереотипи не се во состојба да ја перцепираат дискриминацијата кога станува збор за други категории.
Деновиве ќе направам анализа за тоа што и како се случило (треба да соберам уште некои резултати од терен), а ти во меѓувреме внимавај како ги бираш докторите ако се разболиш. Некои имаат навистина многу убави насмевки.
А дека сум научила нешто, тука си во право. Научив дека ако ги браниш и застапуваш интересите на хомосексуалците, сексуалните рабонички, корисниците на дрога, Ромите. жените, пензионерите, лицата со посебни потреби, внатрешно раселените лица и децата, стануваш мизантроп. Доколку се смешкаш, ветуваш рајски градини и се богатиш на грбот на сиромаштијата македонска, тогаш си човекољубец. Лекцијата е примена, научена и ќе биде применета во пракса.

Не треба мене да ми докажуваш колку си добра, треба на народот да му докажеш. Ако не успееш во тоа, не ти е тој виновен, прост или глуп, туку вината е пред се твоја.
Што не е тука јасно?
Пеки, секој со сопствените поуки.
Само што така научените (уште и применети) лекции се плашам нема да ти донесат повеќе среќа на некои наредни избори. Здравје.

Ајде сега да расчистиме нешто:
Ти зборуваш во име на народот или во свое име.
Ако зборуваш во име на народот тогаш што разговорот за причините за резултатот од изборите има смисла бидејки на тој начин можам да проверам некои од моите аргументи и да слушнам противаргументи. Би ми било тешко сите луѓе поединечно да ги анкетирам така што ти стануваш студија на случај.
Ако зборуваш во твое име, тогаш има логика да ги слушнам твоите аргументи и да ги споредам со она што ќе го слушнам од други места.
Значи, не станува збор за докажување кој колку е добар или не, туку за размена на мислења, видувања и ставови.
Она што до сега го слушнав од “народот“ зошто не гласал “народот“ за мене е: “не можеме да гласаме за жена која ги брани курвите, педерите и наркомаништата“.
Дали си ти претставник на овој “народот“?Според мое мислење ова никако не може да ми послужи како поука за мој иден настап, нели? Или мислиш дека треба да престанам да ги застапувам курвите, педерите и наркомаништата?