ДАРВИН ВО НАШИТЕ КРАИШТА

Бидејки не можеа да се договорат министерот за здравство и директорот на Фондот, донесено е соломонско решение: пациентите ќе плаќаат полна цена на лековите во аптеките, а потоа од фондот ќе бараат рефундација.

Што значи ова:

1. Замислете бабичка од 75 години со пензија од 6000 денари

2. Мора секој месец да набави лекови за неколку хронични болести

3. За секој лек оди прво кај матичниот лекар

4. Потоа оди низ аптеките и ги бара лековите

5. Плаќа 2-3000 денари

6. Оди во Фондот (со уште над 100000 граѓани)

7. Сите заедно чекаат пред два шалтери

8. Ги даваат документите

9. По 3-5 месеци добиваат известување дека може да си ги подигнат парите

10. Бабичката ако е уште жива ќе оди во Фондот да си ги подигне парите од првиот месец, а во меѓувреме дала уште 8000 денари во останатите месеци

И така секој месец, секој граѓанин. И оние со стари родители и оние со мали деца (нели по три и нагоре пожелно), и лицата со хендикеп, и трудниците и тукушто оперираните, и…

Мислам дека Дарвин ќе има голема работа како за пациентите така и за вработените во Фондот. Ќе преживеат само најсилните.

Се прашувам дали ова не е една од мерките на Владата за зајакнување на македонската нација. Нека цркнат сите слаби, а ние ќе си изнародиме нови и силни.