КАЈ “НИВ“ И КАЈ “НАС“

Местото државен секретар во нормалните држави е резервирано за професионаци кои ги поминале сите степени на кариерниот развој, кои ја имаат администрацијата во “мало прсте“ и кои можат со своето знаење и искуство да ја вршат одговорната функција на организатори на работата во една државна структура.

Во прилог ја давам биографијата на швајцарскиот заменик државен секретар, а веднаш по него биографии на неколку наши. Вие самите споредете.

Зар навистина мислиме дека било што може да постигнеме навнатре и понадвор со ваков пристап? Или воопшто не мислиме?

C U R R I C U L U M V I T AE

Ambassador Dr. Pierre Helg

Deputy State Secretary

Born in Geneva (Switzerland) on April 19th, 1955

Background: PhD in banking-law (Geneva University), Lawyer

Languages: French (mother tongue); German, English

Present position: => Deputy State Secretary (since Jan 2008) => Ambassador / Deputy Political Director

-1979-1982 Lawyer in Law firms in Zurich and Geneva

-1983 Swiss Foreign Service competitive examination

-1984-1985 Attaché to the Embassy of Switzerland in Stockholm

-1986-1989 Diplomatic officer to the Directorate for International Organisations, Federal Department of Foreign Affairs in Bern (Switzerland)

-1988 Second Secretary temporarily assigned to the Permanent Mission of Switzerland to the International Organisations in Vienna

-1989-1992 First Secretary Embassy of Switzerland in Paris

-1992-1996 Head of the Section Political and Institutional Affairs, Integration Office, Federal Department of Foreign Affairs / Federal Department of Economy in Bern

-1996-2000 Minister Counsellor Embassy of Switzerland in New Delhi

-2000-2004 Minister Deputy Permanent Representative of Switzerland to the United Nations

-2004-2007 Ambassador to Nigeria, Benin, Tchad and Equatorial Guinea / Permanent Observer to ECOWAS Berne, February 2008

Државен секретар на Владата на РМ од  2010

Роден  1980

Кариера
Има работено во Собранието на Република Македонија и во локалната самоуправа во Општина Гази Баба (не се знае што)

2006 година раководител на Секторот за меѓународни односи и соработка во Канцеларијата на претседателот на Владата на Република Македонија

Државен секретар на Министерство за локална самоуправа на РМ од 2008:

Родена  1981

Работна кариера

Јуни 2007 до септември 2008 државен советник за евроинтеграции во Министерството за локална смаоуправа,

Август 2006 до јуни 2007 раководител на кабинетот на министерот за локална самоуправа

Државен секретар на МВР од 2008

Родена 1970

Кариера

· приправник во управата за безбедност- контраразузнавање во Скопје во 1996 год.

· УБК

Со кого сме добри сме.

11 total views, no views today

КОЈ ЛАЖЕ ТОЈ И КРАДЕ И ЗАВРШУВА ВО ЗАТВОР, А ВО МАКЕДОНИЈА СТАНУВА ПРАТЕНИК

Пратениците на ВМРО-ДПМНЕ направија претстава (фарса) од донесувањето на Законот за спречување и заштита од дискриминација.

Прво го одбија законот изработен од работното тело составено од претставници од министерствата, невладините, експерти и народниот правобранител. Потоа си изработија сопствена верзија (која нема врска со закон за спречување и заштита од дискриминација). Потоа ја пуштија таа верзија  во расправа во Собрание. Следно беше отворање на натпревар во борба со ветерници. Си поставија за цел да се справат со непостоечки намери со овој закон да се промовира инцест, полигамија и содомија. Изјавија дека немаат намера да ги прифатат европските стандарди и на крај открија ново заболување и промовираа лечење на истото.

Откако ги исшамараа во повеќе наврати, решија да се вратат на играта демократија. Во оваа фаза земаат делови од претходно направениот закон на невладините и експертите (или од лешот на убиениот закон) и се обидуваат да направат Франкештајн кој ќе го промовираат во манекен и во врвно достигнување на македонскиот интелект.

Си седат така на комисиите, и без мува да ги лази си предлагаат делови од “нашиот“ закон, па си се фалатмеѓу себе колку убаво ги смислиле амандманите и ги вклопуваат во монструозна комбинација која ќе продуцира мешанец составен од Мики Маус и Салвадор Дали. Во сета таа шарада (или како мали Ѓокица замишља Парламент) се плашам дека дечурланата почнува ептен да  губи врска со реалноста и дека ќе почнат дури и самите да ги јадат колачињата од кал што ги прават за своите кукли. После ќе ги боли меше.

Со оглед на тоа дека од овие кал=колачиња и сите нас може да не заболи ептен стомак, во прилог го ставам денешниот прес (кој што го дадов како претседател на Одборот за заштита на човековите права на ЛДП).

ИЗЈАВА ЗА ЈАВНОСТА – 18.03.2010

Алиби амандмани на предлогот на законот за спречување и заштита од дискриминација поднесен од Владата на Република Македонија

После острите реакции на невладините организации и на меѓународната заедница на предложениот текст за Закон за спречување и заштита од дискриминација поднесен од Владата на Република Македонија, владеачките структури се најдоа во стапица: да продолжат понатаму игнорирајки ги забелешките или да ја признаат грешката и да го прифатат за расправа текстот изработен во соработка со невладините организации (кој сега го предлага група пратеници).

Владеачката структура изнајде трето “соломонско” решение. Ќе поднесе алиби амандмани со кои ќе создаде двоен привид:

1. дека прифаќа критика

2. дека се донесува добар закон

Според амандманите кои имав можност да ги видам:

1. порано или подоцна сексуалната ориентација ќе мора да биде внесена во текстот на законот (после многу навреди, омаловажувања, етикетирања и лаги)

2. комисијата за еднаквост ќе си остане канцеларииче под капата на некое министерсво во кое ќе седат неколку Мирјани Димовски задолжени да ја штитат власта (која и да е) од граѓаните

3. остануваат бесмислено  дефинираните прекршочни санкции кои дискриминацијата ја изедначуваат со фрлање опушок на улица

4. цела група од членови неопходни законот да проработи и да ги штити сите граѓани од различните видови на дискриминација, се едноставно поттурнати под килим

5. сите Гиневци во Македонија ќе можат слободно да поттикнуваат на дискриминација

5. во текстот се промовираат одредби со кои одново се потенцира бинационалноста наспроти мултикултурноста во Македонија

Наместо расправата за овој закон да ја отвори вратата на еднаквоста, владеачката партија го употреби донесувањето на Законот за промоција на дискриминирачко однесување, за непречен говор на омраза и за поттикнување на дискриминација и се разбира, натамошна бинационализација на државата. Најголем губитник ќе бидат граѓаните. Разбирале тоа тие или не.

16 total views, 4 views today

МЕЃУ НЕЗНАЕЊЕТО И АРОГАНЦИЈАТА

Скопјанец застрелан пред Универзална сала, Алфите ги фатиле осомничените. Денес пред истражен судија. Црна хроника, секогаш интересна за медиумите. Зачудувачки брза и успешна акција. За пофалба. Многу слики од настанот. И ниту едно прашање: што прават двајцата лишени од слобода на земја?

Од сликите е очигледно дека луѓето кои се лишени од слобода подолго време лежат на плочникот. Околу нив се муваат алфи, си разговараат, ги гледаат, а тие си лежат. Колку долго? И зошто би лежеле на плочникот? Зошто веднаш не се однесени пред истражен судија или во полициска станица. Зошто се изложени на погледите на сите, па уште и снимани со камери? Како уловен трофеј? Очекувам во следна прилика некој полицаец да застане над уапсениот со нога на неговото тело и да се слика за спомен. Така се прави кога ќе се улови животно. А кога се лишува од слобода човек има правила и тие правила се пишани во Законот за внтарешни работи и во Законот за полиција и во Кодексот за полициско постапување.

Во нив пишува дека:  Полициските службеници го почитуваат личното достоинство, дека полицискиот службеник е должен да престане со употреба на средството за присилба, веднаш штом ќе престанат причините поради кои дошло до негова употреба и уште дека,  полициските службеници не смеат да предизвикуваат, поттикнуваат или толерираат никаков чин на тортура, мачење, нечовечко или понижувачко постапување или казнување.

Ова е случај на тортура, мачење и нечовечко и понижувачко постапување. Што ќе направат сега:  јавниот обвинител, министерката за внатрешни работи, народниот правобранител? Што ќе направат новинарите кои веќе го посочија и кривецот и мотивот и очигледно го прифатија лежењето на плочникот како дел од казната.

12 total views, 1 views today

ШТО Е ГЛУПО?

Глупо е кога портпаролот на МВР ќе изјави дека била поднесена пријава против човек кој со камен фрлен кон него се бранел од натамошен напад. Најверојатно се води од христијанските правила (кои во последно време кај нас имаат поголема важност од законските) и бара: ако некој те удри по десниот образ да го свртиш и другиот, а ако имаш трет, богами и него.

10 total views, 1 views today

ДАЛИ ИНКЛУЗИЈАТА НА ЛИЦАТА СО ИНТЕЛЕКТУАЛНА ПОПРЕЧЕНОСТ ТРЕБА ДА СЕ ПРУЖА И НА СОБРАНИЕТО НА РЕПУБЛИКА МАКЕДОНИЈА?

Јас сум голем поборник на инклузија на лицата со ментална попреченост во секојдневниот живот на пошироката заедница, меѓутоа во нашето извртено општетсво, наместо инклузија на овие луѓе во секојдневното живеење добивме единствено нивна инклузија во Собранието на Република Македонија.

Сметам дека мора да се воведе правило за тестирање на елементарно ниво (90%) интелектуална способност за оној/онаа кој/а што сака да биде претставник во Собранието.

Цврсто стојам зад потребата лицата со интелектуална попреченост кои седат во пратеничките столици и нивните соработници во различни органи кои ја поддржуваат власта под итно да бидат разрешени од нивната функција.

Ако некому не му е јасно, дека самото тоа што власта ја брани антикорупциската комисија, веќе претставува проблем, тогаш не сме мрднале ни чекор во разбирањето на контролата на власта.

9 total views, 2 views today