ГЛУПОСТ НА КВАДРАТ
Кога е некој глуп глуп си е за себе, а кога е глупа цела една партија тогаш станува многу проблематично.
Надалеку познатиот и признат по своите глупости Бичиклиски се прослави со уште еден бисер:
По повод Извештајот на Хелсиншкиот комитет за човекови права за 2009 година објавен денеска, ВМРО-ДПМНЕ соопшти дека нивните ставови треба да се земат со резерва, бидејки веројатно станува збор за политичка злоупотреба. „Со Хелсиншкиот комитет претседава Мирјана Најчевска, личност која што беше кандидат за градоначалник на опозициската ЛДП, а сега е член на највисокото претседателство на оваа партија,“, изјави портпаролот на ВМРО-ДПМНЕ Александар Бичиклиски.
Хелсиншкиот комитет денеска соопшти дека во Македонија дошло до назадување во областа на човековите права и до концентрација на моќта пред се во владејачката структура и нејзините коалициски партнери.
Што е глупо во сето ова:
1. Глупо е што пред да каже нешто не прави елементарна проверка на фактичката ситуација. Јас не сум претседател на Хелсиншкиот комитет веќе 3 години. Тоа значи дека човекот лаже суши а ќе зине и гајле си нема, или мува не го лазе.
2. Глупо е тоа што кутриот не знае дека може некој да се кандидира за градоначалник и да биде поддржан од некоја политичка опција без да порипаѓа на истата.
3. Глупо е што еден припадник на политичка партија (на највисоко раководство на истата) изјавува дека нечии ставови треба да се земат со резерва затоа што некој припаѓа на некоја партија. Дали тоа значи дека ставовите на секој припадник на некоја партија треба да бидат земени со резерва.
4. Глупо е што припаѓањето на одредена политичка опција се поврзува автоматски со политичка злоупотреба. И што би требало да значи тоа политичка злоупотреба. Доколку она што го прави ВМРО-ДПМНЕ е спротивно на вредностите и принципите на либерално-демократската опција дали изнесувањето на поинаквото мислење е злоупотреба или е едноставно користење на политичката партија и политичкиот плурализам (за кој го сменивме нели и претходниот систем) за целите за кои постои, спротиставување на различни вредносни системи.
5. Глупо е што кутриот порт парол на најголемата политичка партија не може да извади ниту еден аргумент со кој што би се спротиставил на тврдењата на Хелсиншкиот комитет, и се што знае да направи е да се лигави, да плука и да ја сведува целата дискусија на разговор за личност, а не за предметот на расправата.
Најглупо од се е што новинарите не ја гледаат оваа глупост и не ја адресираат. Или ја гледаат, ама си молчат.
Wow. За ова имам само еден прост, не премногу елоквентен но многу јасен коментар: *facepalm*
najglupo od cela ovaa rabota e sto makedonskiot narod e glup, poglup go nema (so isklucok na poedinci koi na zalost se malku). Ne e vo moznost da proceni koj laze, a koj ja kazuva vistinata. A Bicikliski ne e sposoben eden tekst da procita, i ne znam kako ne mu e stram da kazuva nevistini. Zosto Prof. Najceska da ne e clen na nekoja partija ? I sto znaci toa deka ako si clen na partija davas izvestai koi se nevalidni i nevistiniti ? ne mora da znaci
Vo odnos na novinarite, toa se eden kup na lugje koi slepo samo trckaat po kvazi politicari i nisto poveke, pomina vremeto na novinarite kako Oriana Falachi
pozdrav
… Стварно за греота.
Жално, но вистинито, било каква афилијација со политичка партија прави човек да е подложен на вакви манипулации и пренасочување на внимание. И сите ќе си речат „А да, таа е од ЛДП затоа така збори..„ и не ќе им ни текне дека може да си во право. Не знам од каде таа слепа верба кон тие што се на власт и покрај сите докази во спротивна насока (било сега, било со претходните партии). Но, таа е цената за шансата гласот да ти биде чуен во законодавното тело.
Мислам дека е очигледно дека изјавата на Бичиклиски е пропаганда и напад на веродостојноста на личноста за да не слушаме што извештајот ни вели. Се надевам дека барем овој пат, барем затоа што толку ептен ја има промашено целта (и годината), нема да му помине финтата. И можеби, ептен можеби, кога еднаш луѓето ќе видат какви финти им се прават, друг пат ќе бидат посвесни за манипулацијат и поотпорни.
[...] кои присувстувале на судењето, јавуваат низа нерегуларности, а една од оние кои највеќе ми се згади кога ја слушнав [...]
Глуп. И доста објаснување. Неговите „бсерчиња„ ги земаме со резерва, бидејќи се знае дека е во коалиција со Амди.