ДОГОВОР СО БУГАРИЈА

Ете, го видовме.

Мене ми изгледа сосема во ред.

Имам само една забелешка (точка 5 од членот 11 која единствена не содржи реципроцитет).

Ајде сега нека ги објават јавно ДПМН-овците забелешките кои ги дале на затворената седница на собраниската комисија.

А Илија Димовски кој бара ратификација на договорот пред потпишување, немам намера ни да го коментирам. Утре најверојатно и тој (како неговото другарче Латас) ќе ни каже дека воопшто не го мисли тоа што го зборува, туку едноставно за тоа е платен.

КОМУ МУ ПРЕЧИ ИДЕЈАТА ЗА ИНЦЕНЕРАТОР?

Регионална депонија спас за Струга. 

А зошто не инценератор?

Зошто да не се произведува енергија од сметот?

Кому му пречи употребата наместо складирањето на сметот?

Може да им пречи само на мафијаши кои сакаат да профитираат без да вложуваат. И кои апсолутно не размислуваат за добробитта на граѓаните на подолг период. И кои сакаат преку ноќ да се збогатат.

Исто како и градежната мафија, така и мафијата поврзана со складиштење на смет е рак рана на секоја заедница.

Ајде да влеземе во 20 век, за да може пополека да ги стигнеме тие кои се веќе во 21.

Ајде да учиме од најдобрите.

СУДИИТЕ ЗА КОИ НЕ ВАЖИ ПРАВИЛОТО ДЕКА ЗАКОНОТ Е ЕДНАКОВ ЗА СИТЕ И СИТЕ СЕ ЕДНАКВИ ПРЕД ЗАКОНОТ НЕ СЕ СУДИИ ТУКУ КРИМИНАЛЦИ ОБЛЕЧЕНИ ВО СУДИСКА ОБЛЕКА

Апелациониот суд ги објави одлуките за одбивање на мерките притвор за обвинетите во „Титаник“, меѓу кои за Никола Груевски, Миле Јанакиески, Гордана Јанкулоска, Мартин Протоѓер и Кирил Божиновски.

Во образложението на одлуката за Груевски пишува дека со оглед на фактот што на обвинетиот му се одземени патната исправа и службениот пасош и мора секој петок да се јавува вo судот, се елиминира опасноста од бегство. Дополнително, пишуваат судиите во одлуката, податоците за оваа мерка на претпазливост се внесуваат во компјутерската евиденција на МВР, поради што  обвинетиот не може да оствари излез од државата и со лична карта.“

Апелација одлучи: нема притвор за Латас. Адвокатките на  обвинетиот Светлана Савиќ и Анита Бегова, пак, тврдеа дека тој не само што нема намера да бега,туку и со одземениот пасош му се прави штета, бидејќи тој заради природата на неговата работа често патува во Белград, а како професор држи предавања во Србија. И адвокатите, но и тој лично подвлекоа дека во досегашната постапка, бил исклучително коректен и соработувал.

 Зошто ова образложение не беше важечко за:

Проф. Д-р Велковски 

Професорот Здравко Савески

Пофесорот Дејан Докиќ

Новинарот Зоран Божиновски

Новинарот Кежаровски

Градоначалникот Александар Петрески 

Соња Верушевска

Доктор Александар Чапаровски

Студентот Борјан Ефтимов

Е заради ова е потребна реформа на судтсвото. Длабок рез кој ќе го отстрани болното ткиво, но ќе ги извлече и метастазите раширени низ целиот правосуден систем.

Законот е еднаков за сите и сите се еднакви пред законот.

Судиите кои не го разбираат или не сакаат да го применат ова, не се воопшто судии, туку криминалци иблечени во судиски одори. И не треба да бидат третирани како судии, туку како криминалци облечени во судиски одори.

Што е глупо во изјавата на адвокатото Сашо Дуковски?

Дуковски: Замислете, министерка без пасош!

  1. Канчевска веќе одамна не е министерка.
  2. Во демократските општетсва граѓаните се еднакви пред законите и законите се еднакви за сите граѓани.
  3. Луѓето кои биле или се на високи функцци во државата имаат одредени привилегии кои подразбираат исто така и поголема одговорност за секоја нивна постапка/активност (со што се постигнува балансот на еднаквоста со сите останати граѓани).
  4. За тој што е осомничен дека лажел и мамел од позиција на власт, се претпоставува дека ќе лаже и мами и со цел да ги прикрие сопствените криминални дејствија.

Канческа ни соопшти дека верува во правниот систем на државата.   А јас ете во моментов не верувам во правниот систем на Република Македонија, и не верувам дека судовите имаат таков капацитет да го применат законот еднакво на поранешните и сегашни високи функционери како и спрема сите останати граѓани.

 

ПОДЕЛЕНА ОДГОВОРНОСТ

Според Никола Поповски постои поделена одговорност за она што се случуваше во Македонија во изминатите 11 години, за негативните извештаи на ЕУ и за назадувањето на државата.

Не драги мој, не може да има поделена одговорност за периодот на самовластие, во кој од поимникот беше избришана партиципацијата на граѓаните, јавната расправа беше строго забранета, законите се носеа по скратена постапка, пратениците беа исфрлани од Собранието, беа суспендирани сите контролни механизми, а секој кој ќе се осмелеше да искаже поинакво мислење беше ставан на ѕидот на срамот и изложен на понижување, закани и отворено насилство.

Може да има поделена одговорност тогаш кога се отвораат вратите за слободно искажување на мислењето, за јавна расправа, за контрола и ограничување на секој облик на самовластие и кога се создаваат услови за функционирање на институциите.