Грујевски и Бошковски недостапни за полицијата

За бегтството на Грујевски и Бошковски се одговорни судиите и полицијата.

Станува збор или за голема небрежност (што е еднакво на вина) или пак за намерни дејствија (што е еднакво на соучесништво).

ДОГОВОР СО БУГАРИЈА

Ете, го видовме.

Мене ми изгледа сосема во ред.

Имам само една забелешка (точка 5 од членот 11 која единствена не содржи реципроцитет).

Ајде сега нека ги објават јавно ДПМН-овците забелешките кои ги дале на затворената седница на собраниската комисија.

А Илија Димовски кој бара ратификација на договорот пред потпишување, немам намера ни да го коментирам. Утре најверојатно и тој (како неговото другарче Латас) ќе ни каже дека воопшто не го мисли тоа што го зборува, туку едноставно за тоа е платен.

СУДИИТЕ ЗА КОИ НЕ ВАЖИ ПРАВИЛОТО ДЕКА ЗАКОНОТ Е ЕДНАКОВ ЗА СИТЕ И СИТЕ СЕ ЕДНАКВИ ПРЕД ЗАКОНОТ НЕ СЕ СУДИИ ТУКУ КРИМИНАЛЦИ ОБЛЕЧЕНИ ВО СУДИСКА ОБЛЕКА

Апелациониот суд ги објави одлуките за одбивање на мерките притвор за обвинетите во „Титаник“, меѓу кои за Никола Груевски, Миле Јанакиески, Гордана Јанкулоска, Мартин Протоѓер и Кирил Божиновски.

Во образложението на одлуката за Груевски пишува дека со оглед на фактот што на обвинетиот му се одземени патната исправа и службениот пасош и мора секој петок да се јавува вo судот, се елиминира опасноста од бегство. Дополнително, пишуваат судиите во одлуката, податоците за оваа мерка на претпазливост се внесуваат во компјутерската евиденција на МВР, поради што  обвинетиот не може да оствари излез од државата и со лична карта.“

Апелација одлучи: нема притвор за Латас. Адвокатките на  обвинетиот Светлана Савиќ и Анита Бегова, пак, тврдеа дека тој не само што нема намера да бега,туку и со одземениот пасош му се прави штета, бидејќи тој заради природата на неговата работа често патува во Белград, а како професор држи предавања во Србија. И адвокатите, но и тој лично подвлекоа дека во досегашната постапка, бил исклучително коректен и соработувал.

 Зошто ова образложение не беше важечко за:

Проф. Д-р Велковски 

Професорот Здравко Савески

Пофесорот Дејан Докиќ

Новинарот Зоран Божиновски

Новинарот Кежаровски

Градоначалникот Александар Петрески 

Соња Верушевска

Доктор Александар Чапаровски

Студентот Борјан Ефтимов

Е заради ова е потребна реформа на судтсвото. Длабок рез кој ќе го отстрани болното ткиво, но ќе ги извлече и метастазите раширени низ целиот правосуден систем.

Законот е еднаков за сите и сите се еднакви пред законот.

Судиите кои не го разбираат или не сакаат да го применат ова, не се воопшто судии, туку криминалци иблечени во судиски одори. И не треба да бидат третирани како судии, туку како криминалци облечени во судиски одори.

Што е глупо во изјавата на адвокатото Сашо Дуковски?

Дуковски: Замислете, министерка без пасош!

  1. Канчевска веќе одамна не е министерка.
  2. Во демократските општетсва граѓаните се еднакви пред законите и законите се еднакви за сите граѓани.
  3. Луѓето кои биле или се на високи функцци во државата имаат одредени привилегии кои подразбираат исто така и поголема одговорност за секоја нивна постапка/активност (со што се постигнува балансот на еднаквоста со сите останати граѓани).
  4. За тој што е осомничен дека лажел и мамел од позиција на власт, се претпоставува дека ќе лаже и мами и со цел да ги прикрие сопствените криминални дејствија.

Канческа ни соопшти дека верува во правниот систем на државата.   А јас ете во моментов не верувам во правниот систем на Република Македонија, и не верувам дека судовите имаат таков капацитет да го применат законот еднакво на поранешните и сегашни високи функционери како и спрема сите останати граѓани.

 

САМО ЦРТИЧКА

Немам намера да ги анализирам написите на Тања Каракамишева. Едноставно, животот е прекраток за човек да заглиби во морето од жабокречина која таа успева да ја продуцира катадневно.

Меѓутоа, сакам да посочам еден пример на големо незнаење со кое што се соочуваме, пред се заради зачувување на нашиот здрав разум, а и заради потенцирање на потребата во комуникацијата со овие луѓе секогаш да бидеме и психички и физички подготвени едноставно на се.

Во нејзиниот последен емоционален изблив на тема Заев, Каракамишева ни соопштува:

“Човеков навистина се надминува себе си со секој изминат ден. Како му се зголемува меракот да се отвора во јавноста и пред малите екрани, така се посилно сфаќаме дека човеков нема мерка во лупетањето. Секој нов ден му е нов лупус ин фабула. Откровение на бескрајноста во тресењето зелени на јавна сцена.“.

Се прашувам, колку треба да е ниско нивото на елементарна култура и базично знаење кое вообичаено се поврзува со зборот професор по право, за да не се знае значењето на латинскиот израз lupus in fabula?

Во превод оваа латинска изрека значи дека некој се појавил токму тогаш кога сме зборувале за него, дека се појавил баш оној за кој сме зборувале, зборувај за волкот и тој ќе се појави, или, народски кажано: “Ние за волкот, а волкот на врата“.

И покрај најдобрата желба, јас не можев да најдам соодветно објаснување за употребата на оваа латинска фраза во контекстот во кој е употребена од страна на Каракамишева. Имено, доколку ги замениме латинските зборови со соодветниот превод, добиваме прилично бесмислена реченица “Секој нов ден му е ние за волкот, а волкот на врата“ или “Секој нов ден му е човекот се појавува токму тогаш кога зборуваме за него“.

Дека станува збор за потполно неразбирање на латинската фраза, зборува и натамошната употреба на истата во вториот дел од текстот (во некоја чудно скратена форма): “Ни одговараат ли и нам како на сценаристот вакви лупуси ...“. Што би можело да значи ова? Вакви волци кои се појавуваат кога зборуваме за нив?

Всушност, правилната употреба на латинската фраза (во еден послободен превод кој ја задржува суштината, односно, значењето на фразата) би била: Ние за ѓаволот, а ѓаволот на врата, или, Ние за глупоста, а Каракамишева на врата.

Е, ова веќе има смисла. Можеме да и кажеме, аааа, добро што дојде, баш за тебе зборувавме.