ЗА КОМИСИЈАТА НА ПРЕТСЕДАТЕЛОТ

Наспроти медиумските известувања, наспроти однесувањето на претседателот и членовите на комисијата и наспроти однесувањето на лидерите на ВМРО-ДПМНЕ и СДСМ, Комисијата за настаните од 24.12.2012 година, не е комисија за договарање, преговарање или изнаоѓање компромисни решенија.

Според официјалната страна на Претседателот на државата оваа комисија е формирана со цел:

1. Да се расветлат настаните кои се случија и кои претходеа на 24 декември 2012 година

2. Комисијата има “налог и задача да ги испита правните аспекти на настаните кои се случија на 24 декември минатата година“

3. “во рок од 60 дена треба да утврди факти без да носи политички заклучоци“

4. “расчистување на настаните“

НИКАДЕ НЕ СЕ СПОМНУВА КОМПРОМИС, ДОГОВАРАЊЕ ИЛИ ИЗНАОЃАЊЕ ПРИФАТЛИВО РЕШЕНИЕ. СЕ СПОМНУВААТ ФАКТИ, ПРАВНИ АСПЕКТИ, РАСЧИСТУВАЊЕ.

Комисијата е формирана со одредени од Претседателот именувани членови и секое проширување на составот со ојле и дојле од политичките партии е спротивно на формата во која е конституирана, односно, мора да се направи во согласност и со директно учество на Претседателот.

И секако, ако веќе комисијата е формирана од страна на Претседателот на државата, тој и единствено тој е повикан да реагира на нејзината злоупотреба, да се појави како фактор за откочување на работата и да ги врати на прав колосек изгубените овци кои седат во неа.

Ама то ако имавме претседател, а не шушумига која два пати дневно ја бакнува сенката на Груевски (еднаш на сабајле на гладно срце и еднаш навечер пред спиење).

49 total views, no views today

ЗА ПРЕТСЕДАТЕЛОТ ПЛАЧКО И НОВИНАРИТЕ КОИ НЕ ПОСТАВУВААТ ПРАШАЊА

Претседателот Иванов го откажа самитот на шефови на држави и влади од Југоисточна Европа, кој требаше да се одржи во Охрид на 1 и 2.06.2013 год.

Не знам што повеќе ме изнервира: Ѓорѓе плачкото или новинарите кои го пренесуваат.

Во сите медиуми е пренесена патетичната изјава на кутрото човече кое диктатурата на власт ни го наметна за претседател на државата. Се спомнува откажувањето на неколку претседатели. И толку. Во ниту еден медиум нема ниту минимална информација за тоа што претставува воопшто оваа регионална структура, кој членува во нејзе, како се одржуваат и организираат средбите и дали Иванов навистина смеел да го откаже туку така самитот или е ова уште еден од бројните смешни и трагични гафови на морончето во претседателската фотелја?

  1. Процесот за соработка во Југо-Источна Европа е форум за дипломатски и политички дијалог
  2. Во него членуваат 12 земји: Албанија, Босна и Херцеговина, Бугарија, Грција, Македонија, Молдавија, Романија, Словенија, Србија, Турција, Хрватска, Црна Гора.
  3.  Работата се одвива на неколку нивоа:

–        Годишни состаноци на шефови на држави или влади

–        Годишни состаноци на министри за надворешни работи

–        Секторски средби на министри

–        Средби на политички директори од министерствата за надворешни работи

–        Годишни средби на претседатели на парламенти

4. На ниту една од средбите не присуствувале сите претседатели на држави или влади. Важно е да присуствува земјата на некое (приближно соодветно ниво). На пример на самитот во Црна Гора одржан во 2011 год. присуствувале и претседатели и премиери и претседатели на парламентарни собранија и министри за надворешни работи и државни секретари. Всушност присуствувале само 5 претседатели на држави.

Прашањата што треба да се постават се:

– Колку претседатели на држави/влади најавиле присуство?
– Дали тие кои не присуствуваат на ниво на претседател дале соодветна замена?
– Со кое право се откажува самитот (не е ова маалски фудбал па сега си играм сега не си играм)?
– Во случај на откажување, што станува со останатите кои потврдиле присуство?
– Што станува со целиот процес ако секој претседател си откажува самит затоа што не го играат другарчињата кои тој сака да го играат?
– Ако имало откажувања, дали не треба да се побара нечија одговорност внатре во државата, а не да се плаче и цимолка наоколу?

51 total views, no views today