ЗА ЖРТВИТЕ, МАНИПУЛАЦИЈАТА И НЕОДГОВОРНОСТА

Пет убиени луѓе.

Протести со националистичка фарба во Скопје.

На фејсбук се јавија дежурните подбуцнувачи и плукачи против се што е надвор од власт и бранители на се што е на кормилото на власта (Janko Ilkovski22 hours agoУтре ќе имало протести, така разбрав, по повод убиството на петмината кај Радишани. Простестот ќе бил пред влада. Зошто? Владата не ги уби? Ако е за така простест треба пред американска амбасада, германската, британската, француската, пред седиштетот на ЕУ, пред амбасадите на меѓународниот фактор, пред седиштето на Сорос, пред седишатата на сите партии и НВО-а кои се фактори на стабилизација или уште повеќе, дестабилизација на земјава. Ова е чиста политичка некрофилија, срамота, некој сака од ова политички да профитра. Ако сметате дека владата не чини, бујрум, избори, ионака секоја година се организираат, па нека одлучи народот!).

Се појавија и политичарите кои ја држат власта во свои раце ( Претседателот Иванов, Премиерот Груевски,  претседателот на Собранието Вељаноски) и ни соопштија дека веруваат дека институциите ќе си ја завршатработата и убијците ќе бидат казнети од законот и од Бога (ама, ова последново само ако веруваат во Бог).

Во што се состои манипулацијата?

1. Претседателот на државата, Премиерот и Претседателот на Собранието се институциите кои треба да ја завршатработата. А, ниту еден од гореспомнатите не кажа: јас, во рамките на моите надлежности ќе направам се што можам да помогнам во откривање и казнување на убијците. Ниту еден од нив не рече: јас како дел од власта ќе ја вложам сета моја енергија, знаење и ќе ги употребам сите ингеренции да се направи што е можно побрза, подобра и посеопфатна истрага која ќе овозможи расветлување на злосторството и изведување на сторителите пред суд.

Претседателот на државата е врховен командант на вооружените сили и е претседател на Советот за безбедност. Тоа значи дека Иванов не чека што ќе направат институциите туку самиот превзема дејствија кои се во рамките на неговите надлежности и ја користи мрежата од институции со кои самиот командува.

Премиерот е на чело на Владата во рамките на која се наоѓа и МВР. Како претседател на Владата тој има можност и ингеренции директно да бара, поставува задачи и да насочува било што што се случува во релевантните министерства. Тоа значи дека Груевски не чека што ќе направат институциите туку ги предводи институциите во активностите кои треба да ги превземат.

Претседателот на Собранието може да ја активира надлежноста на Собранието која се однесува на контролата над сите јавни функции што се одговорни пред Собранието и да побара нивно екстремно големо ангажирање во решавањето на овој случај, може да формира посебна комисија за истражување на случајот, може да свика посебна седница на која ќе се расправа и за случајот и за последиците кои следат од перцепциите на граѓаните за случајот. Тоа значи дека Вељановски не чека што ќе направат институциите туку како преседател на највисоката институција во државата превзема и соодветни активности.

И во сета ова институционална конфузија која се обидуваат да ја наметнат кецарошите кои моментално ги држат дизгините на ова државиче, ги снема истражниот судија и јавниот обвинител. 

2. Манипулацијата продолжува со дезинформациите на задолжените за правење магла и прашина (како Јанко јадачот на гурабии, Латас и остатокот од за тоа платената багра). Според нив одговорноста за она што се случува во државата не лежи во тие кои се на власт, кои ја имаат организацијата и оружјето и информациите и можноста за делување и кои се платени за тоа со парите на граѓаните, туку на граѓанските здруженија кои не ни примирисале до управувачките функции, а камоли да ги допрат дизгините на власта.

Доколку навистина странските амбасади и здруженијата на граѓани се тие кои ја имаат власта во државата, тогаш воопшто и немаме држава. И тогаш навистина нема зошто да се протестира пред Владата бидејки таа и не постои. Тогаш едноставно тие кои живеат на грбачата на овој шутрачки народец и кои глумат власт треба да се збришат и на нивно место да се постават луѓе кои знаат што треба да прават и како да го прават тоа, кои ги знаат одговорностите кои ги превзеле во моментот на изборот/именувањето и кои знаат како да го употребат државниот апарт во функција на заштита на интересите на граѓаните.

Како граѓанин на оваа држава барам секој од носителите на власта да направи се што е во неговата надлежност да се открие сторителот или сторителите на петократното убиство. Да се соберат доволно докази за да може да бидат изведени пред суд и соодветно казнети. Да се казнат сите оние кои иницираат меѓуетничка омраза и нетрпение и да се спречат насилства и линчувања резултирани од овие иницијативаи.

И барам, доколку оние кои се на власт не знаат што да прават, не знаат што можат да прават и не знаат како да прават, што е можно побрзо да се тргнат од власта.

 

68 total views, no views today

ОЧАЈНИОТ ПОВИК ЗА ПОМОШ НА МИНИСТЕРКАТА ГОРДАНА ЈАНКУЛОВСКА

ШТО НИ КАЖА МИНИСТЕРКАТА ЗА ВНАТРЕШНИ РАБОТИ СО ДОПИСОТ ИСПРАТЕН КАКО ОДГОВОР НА ПОКАНАТА ЗА ПРИСУСТВО НА ТРИБИНА ПОД НАСЛОВ: Преку граѓански активизам и реформа на МВР до подобро општество

Вашиот допис би сакале да го сфатиме како оградување од досегашните протести (ОВА ЗНАЧИ ДЕКА МИНИСТЕРКАТА НЕ ГО РАЗБИРА ПОСТОЕЊЕТО НА РАЗЛИЧНИ ДЕМОКРАТСКИ СРЕДСТВА КОИ ГРАЃАНИТЕ ИМААТ ПРАВО ДА ГИ КОРИСТАТ ВО ОСТВАРУВАЊЕТО   ВЛИЈАНИЕ ВРЗ ВЛАСТА, КОНТРОЛА НА ВЛАСТА И  ИЗРАЗУВАЊЕ НА НЕЗАДОВОЛСТВО ОД АКТИВНОСТИТЕ НА ВЛАСТА. НАМЕСТО МИНИСТЕРКАТА ДА ГО ПОЗДРАВИ РЕШЕНИЕТО НА МЛАДИТЕ ДА ПРЕМИНАТ ОД СРЕДСТВАТА НА УЛИЧНАТА ДЕМОКРАТИЈА – КОЈА ВООБИЧАЕНО ЗНАЧИ ОГРОМНА НЕДОВЕРБА КОН ВЛАСТА- КОН РАЗГОВОР И ЗАЕДНИЧКО ДЕЛУВАЊЕ, ТАА ГИ КАРА ШТО ПРЕСТАНАЛЕ СО ДЕМОНСТРАЦИИТЕ) и невистинитите обвинувања (ПОНУДЕНИОТ РАЗГОВОР НАМЕСТО МИРНИ ДЕМОНСТРАЦИИ ИЛИ УШТЕ ПОЛОШО ЕВЕНТУАЛНО ПАЛЕЊЕ И РУШЕЊЕ НИКАКО НЕ ЗНАЧИ ОТКАЖУВАЊЕ ОД ОБВИНУВАЊАТА. ТОА ЗНАЧИ ДЕКА ДЕМОНСТРАНТИТЕ СМЕТААТ ДЕКА ВО ДОВОЛНА МЕРА ГО ПОКАЖАЛЕ ИНТЕРЕСОТ ЗА ПРАШАЊЕТО И ВО ДОВОЛНА МЕРА ГО МАНИФЕСТИРАЛЕ НЕСОГЛАСУВАЊЕТО СО ВЛАСТА И И ДАВААТ МОЖНОСТ НА ВЛАСТА – ШТО ГО СМЕТАМ ЗА НАИВНО ИМАЈКИ ГИ ПРЕДВИД КАПАЦИТЕТИТЕ НА АКТУЕЛНАТА ВЛАСТ ИАКО И МНОГУ ДОБЛЕСНО И ЗРЕЛО КАКО АКТ НА МЛАДИТЕ ПРЕТСТАВНИЦИ НА ГРАЃАНСКОТО ОПШТЕТСВО- ДА ГИ НАПРАВИ ПОТРЕБНИТЕ ПРОМЕНИ), навреди и клевети (ЗА ОВА НАВИСТИНА ТРЕБА СИТЕ НАШИ ФУНКЦИОНЕРИ ДА ПРОЧИТААТ НЕШТО ОД ОДЛУКИТЕ И СТАВОВИТЕ НА СОВЕТОТ НА ЕВРОПА, НАМЕСТО ДА СЕ ШЕТААТ НИЗ СТРАЗБУРГ, ЗА ДА МОЖАТ ДА ЈА РАЗБЕРАТ РАЗЛИКАТА МЕЃУ ИЗРАЗУВАЊЕ НА РЕВОЛТ КОН ВЛАСТА И КРИВИЧНОТО ДЕЛО НАВРЕДА И КЛЕВЕТА), бидејќи се сомневаме дека некој би сакал да седи на иста маса со „убијци“ или „џелати“ (ОВДЕ НАВИСТИНА МИНИСТЕРКАТА ТРЕБА МАЛКУ ДА ПОГЛЕДНЕ ВО БЛИСКОТО МИНАТО И ДА СЕ ПОТСЕТИ НА РАМКОВНИОТ ДОГОВОР ОД ОХРИД). Сепак вистинското оградување од омаловажувањата  и неоснованите квалификации би требало да биде во најмала рака во форма на јавно извинување (ОВДЕ Е ВО ПРАВО МИНИСТЕРКАТА, САМО ШТО МАЛКУ ГИ ПОМЕШАЛА РАБОТИТЕ. ДА, ВЛАДАТА И ТАА КАКО МИНИСТЕРКА ЗА ВНАТРЕШНИ РАБОТИ МОРА ВО НАЈМАЛА МЕРА ДА СЕ ИЗВИНИ ЗА ПРОПУСТИТЕ НАПРАВЕНИ ВО ТЕКОТ НА ИСТРАГАТА  И ГАФОВИТЕ ВО ИЗВЕСТУВАЊЕТО ЗА СЛУЧАЈОТ НА УБИСТВОТО НА МАРТИН НЕШКОВСКИ, А АКО ИМА И НАЈМАЛО РАЗБИРАЊЕ НА ВЛАДЕЕЊЕТО НА ПРАВОТО, И ДА ПОДНЕСЕ НЕОТПОВИКЛИВА ОСТАВКА НА ФУНКЦИЈАТА КОЈА ЈА ВРШИ) и благодарност до сите „тигри“ или „алфи“ кои се жртвуваа во „Планинска бура“(МИНИСТЕРКАТА ИЛИ ПОЈМА НЕМА ШТО ЗБОРУВА ИЛИ НАВИСТИНА СЕ ГОРДЕЕ СО ЕДНА ОД АКЦИИТЕ ВО КОИ ОД ПОВЕЌЕ НЕЗАВИСНИ НАБЉУДУВАЧИ Е УТВРДЕНО КОРИСТЕЊЕ НА ПРЕКУМЕРНА СИЛА И КОЈА ВО МОМЕНТОВ СЕ НАОЃА ПРЕД СУДОТ ВО СТРАЗБУРГ: НАРОДЕН ПРАВОБРАНИТЕЛ, НОВА МАКЕДОНИЈА, УТРИНСКИ, кој(ЗА ГРАМАТИКАТА НЕМА ДА ЗБОРУВАМЕ ВО ОВОЈ СЛУЧАЈ) беа убиени кај ПМФ (ЗА ШТО ОСТАНАА ДА ВИСАТ ВО ВОЗДУХ МНОГУ КОНТРАВЕРЗИ ПОВРЗАНИ СО ПРИСУСТВОТО НА АЛФИТЕ НА ПРОСТОРОТ НА УНИВЕРЗИТЕТОТ, СООДВЕТНОСТА НА МАТЕРИЈАЛНИТЕ ДОКАЗИ И ИЗБЕГНУВАЊЕТО НА ПРЕЖИВЕАНИТЕ ПОЛИЦАЈЦИ ДА СЕ ПОЈАВАТ НА РОЧИШТАТАи кои учествуваа во безброј акции за заштита на нашата безбедност.(СО ОВИЕ ЗБОРОВИ ГОРДАНА ЈАНКУЛОВСКА ОТВОРЕНО ПОСТАВУВА РАВЕНСТВО МЕЃУ ДОБРИТЕ И ЛОШИТЕ ПОЛИЦАЈЦИ. ПОД ИМЕ НА СИТЕ ОНИЕ КОИ СОВЕСНО И ПРЕДАНО ЈА ВРШАТ СВОЈАТА РАБОТА, КОИ ГИ ПОЧИТУВААТ ПРАВОТО И ПРОЦЕДУРИТЕ И ФУНКЦИОНИРААТ НА НАЧИН КОЈ ОВОЗМОЖУВА ЗАШТИТА НА ЧОВЕКОВИТЕ ПРАВА И СЛОБОДИ,  ТАА САКА ДА ГИ ЗАТСКРИЕ, ЗАШТИТИ, ДА ИМ ДАДЕ ИМУНИТЕТ НА СИТЕ КОРУМПИРАНИ, НЕЕДУЦИРАНИ, ОД УЛИЦА ПРИСОБРАНИ И НАСИЛНИ ЛУЃЕ КОИ САМО ЗАРАДИ НОСЕЊЕ НА УНИФОРМАТА ИЛИ ПОСЕДУВАЊЕ НА СООДВЕТНА ЛЕГИТИМАЦИЈА МОЖЕ ДА СЕ ПОДВЕДАТ ПОД ЗБОРОТ ПОЛИЦАЕЦ).

Министерството за внатреешни работи, го виде јавниот повик на Бранко Црвенковски за мобилизирање на сите невладини организации и „независни“ интелектуалци против демократски изразената воља на граѓаните кои по шести пат на избори својата поддршка ја даваат за опцијата која сметаат дека им нуди подобра иднина. Свесни сме дека безидејноста и катастрофалните резултати зад себе, може да доведат до уште поголем очај, но тоа нам не ни дава право да бидеме дел од ничии сценарија. (СЕКОЕ НЕПРИЈАТНО ПРАШАЊЕ НА КОЕ НЕ МОЖЕ ДА СЕ ДАДЕ ОДГОВОР, СЕКОЈ АРГУМЕНТ ПРОТИВ И СЕКОЈА КРИТИКА МОЖЕ ДА БИДАТ ОТФРЛЕНИ СО НИВНО ПОДВЕДУВАЊЕ ПОД АНТИ-СДСМ РЕТОРИКАТА. ЗАРАДИ ОВА ОВОЈ ДЕЛ ГО СМЕТАМ КАКО ПРАЗЕН И НЕМА ДА ГО КОМЕНТИРАМ.)

Министерството за внатрешни работи ќе остане отворено и ќе продолжи да работи во служба на граѓаните. (ОВА Е ИСТО ТАКА ПРАЗЕН ПРОСТОР БИДЕЈКИ Е СОСТАВЕН ОД ФРАЗИ). Во рамки на определбата за транспарентност и отчетност во работењето, како што знаете, за прв пат организиравме отворен ден на кој сите граѓани можеа да се информираат и да ги изнесат своите сугестии и мислења околу полициското работење. (ОВА ВЕЌЕ ЗАСЛУЖУВА ВНИМАНИЕ ПОРАДИ КОНЦЕНТРАЦИЈАТА НА ГЛУПОСТ. НАМЕСТО ТРАНСПАРЕНТНОСТА НА МИНИСТЕРСТВОТО ДА СЕ МЕРИ ПРЕКУ СЕКОЈДНЕВНАТА КОМУНИКАЦИЈА СО ГРАЃАНИТЕ, ПРЕКУ МОЖНОСТА ГРАЃАНИТЕ ДА КРИТИКУВААТ И ДА НЕГОДУВААТ, ТАА СПОРЕД КУТРАТА ГОРДАНА СЕ ИСЦРПУВА СО ЕДНОДНЕВНО ШОУ ВО КОЕ СТОТИЦИ ГРАЃАНИ ЌЕ ПРОДЕФИЛИРААТ НИЗ ХОДНИЦИТЕ И ЌЕ ИЗРАЗАТ ВООДУШЕВУВАЊЕ ОД НЕЈЗИНАТА ПАМЕТ, УБАВИНА И ХРАБРОСТ). Ви благодариме за вашиот интерес во врска со проектот „Отворен ден“ и сите ваши сугестии и мислења сериозно ќе бидат разгледани (ОВА Е ДОСТОЈНО НА АВТОМАТСКА СЕКРЕТАРКА НА НЕКОЈА ОД СЛУЖБИТЕ КОЈА СЕ ПУШТА ВО МОМЕНТОТ КОГА НЕМА СЛОБОДЕН СЛУЖБЕНИК И ПОВТОРУВА ЕДНА ИСТА ФРАЗА БЕЗ АПСОЛУТНО НИКАКВО ЗНАЧЕЊЕ И РЕЛЕВАНТНОСТ).

СЕ ПЛАШАМ ДЕКА ВО СЛУЧАЈОВ НЕ СТАНУВА ЗБОР САМО ЗА НЕКОМПЕТЕТНА ЛИЧНОСТ СТАВЕНА НА МНОГУ ВАЖНА ФУНКЦИЈА, ТУКУ МОЖЕБИ И ЗА ЧОВЕК КОЈ НА НЕКОЕ ПОТСВЕСНО НИВО ПОЧНУВА ДА РАЗБИРА КОЛКУ НЕ Е ВО СОСТОЈБА ДА СЕ СПРАВИ СО ЗАДАДЕНИТЕ ЗАДАЧИ И ПРАВИ СЕ ПОГОЛЕМИ И ПОГОЛЕМИ ГРЕШКИ СО ЦЕЛ НЕКОЈ КОНЕЧНО ДА ГО ЗАБЕЛЕЖИ ТОА И ДА ГО ОТСТРАНИ ОД МЕСТОТО КОЕ ГО ДРЖИ.

ЈАС ОВА ПИСМО ГО РАЗБИРАМ КАКО ПОВИК НА ПОМОШ ОД МИНИСТЕРКАТА ЗА ВНАТРЕШНИ РАБОТИ ДА БИДЕ ПОВИКАНА НА ОДГОВОРНОСТ И РАСТЕРЕТЕНА ОД ОГРОМНОТО БРЕМЕ НА ДОЛЖНОСТА КОЈА НЕМА ПОЈМА КАКО ДА ЈА ИЗВРШУВА. И МИСЛАМ ДЕКА НА ПОВИКОТ ТРЕБА ПОЗИТИВНО ДА СЕ ОДГОВОРИ. ВО СПРОТИВНО МОЖЕ ДА СЕ СЛУЧАТ НОВИ СЛУЧАИ БРОДЕЦ И ПМФ И МАРТИН И УШТЕ МНОГУ ДРУГИ КОИ ВООПШТО И НЕ СТИГНАЛЕ ДО ОЧИТЕ НА ЈАВНОСТА.

75 total views, no views today

ПО КОИ ЗАКОНИ РАБОТИ МИНИСТЕРКАТА ЗА ВНАТРЕШНИ РАБОТИ ГОРДАНА ЈАНКУЛОВСКА?

Според министерката за внатрешни работи Македонија е држава во која владее правото. Ова е многу трогателна изјава дадена од министер кој очигледно има многу сериозни проблеми со разбирањето на концептот на правото.

Овде би свртела внимание на два моменти поврзани со горното тврдење.

Прво, тоа е интернет страната на Министерството за внатрешни работи на која се дадени законите врз основа на кои би требало да се остварува владеењето на правото.

Закон за внатрешни работи 
(340 KB), 01.10.2009,
Исправка на законот за внатрешни работи 
(91 KB), 01.10.2009,
Измени и дополнувања на законот за внатрешни работи („Службен весник на РМ„бр.38/2002) 
(84 KB), 01.10.2009,
Измени и дополнувања на законот за внатрешни работи („Службен весник на РМ„бр.33/2003) 
(127 KB), 01.10.2009,
Измени и дополнувања на законот за внатрешни работи („Службен весник на РМ„бр.19/2004) 
(102 KB), 14.09.2007,
Измени и дополнувања на законот за внатрешни работи („Службен весник на РМ„бр.51/2005)
(77 KB), 14.09.2007,
Закон за дополнување на законот за внатрешни работи 
(102 KB), 08.08.2008,
Измени и дополнувања на колективниот договор 
(215 KB), 14.09.2007,
Правилник за формата на изгледот на службена легитимација и значка и за начинот на издавање на службена легитимација и значка на ОСЛ
(693 KB), 01.10.2009,
Правилник за начинот на чување и заштита на документи, извештаи податоци и други акти во МВР 
(165 KB), 14.09.2007,
Правилник за носењето и времето на траење на униформата на полицијата
(144 KB), 14.09.2007,
Правилник за здравствените и психофизичките способности што треба да ги исполнува лицето кое заснова работен однос 
(247 KB), 14.09.2007,
Правилник за вршење на работите на дирекцијата за безбедност и контраразузнавање
(130 KB), 14.09.2007,
Правилник за времето на траењето на облеката и посебната лична опрема на полицијата
(128 KB), 14.09.2007,
Правилник за начинот на повикување и ангажирање на припадниците на резервниот состав на МВР 
(137 KB), 14.09.2007,
Измени и дополнувања на правилникот за начинот на повикување и ангажирање на припадниците на резервниот состав на МВР 
(214 KB), 14.09.2007,
Правилник за вршење на работите на МВР 
(1627 KB), 14.09.2007,
Правилник за изменување и дополнување на правилникот за вршење на работите на МВР 
(468 KB), 14.09.2007,
Правилник за изменување и дополнување на правилникот за начинот на чување и заштита на документи, извештаии податоци и други акти во МВР 
(74 KB), 14.09.2007,
Правилник за изменување и дополнување на правилникот за начинот на повикување и ангажирање на припадниците на резервниот состав на МВР 
(69 KB), 14.09.2007,
Решение за изменување и дополнување на решението за цените обрасците што се употребуваат во МВР 
(75 KB), 14.09.2007,
Решение за дополнување на решението за цените обрасците што се употребуваат во МВР 
(75 KB), 14.09.2007,
Решение за дополнување на решението за цените обрасците што се употребуваат во МВР 
(71 KB), 14.09.2007,
Спогодба за продолжување на важноста на колективниот договор на МВР 
(74 KB), 14.09.2007,
Уредба за чиновите, ознаките на чиновите и условите за нивно стекнување за овластените службени лица на МВР 
(236 KB), 14.09.2007,
Уредба за личностите и објектите што се обезбедуваат, видовите на мерки и активности и степените на обезбедување 
(153 KB), 01.10.2009,
Уредба за униформата и ознаките на униформата на полицијата во МВР 
(332 KB), 14.09.2007,
Уредба за униформата и ознаките на униформата на полицијата 
(737 KB), 14.09.2007,
Уредба за изменување и дополнување на уредбата за униформата и ознаките на униформата на полицијата во МВР 
(113 KB), 14.09.2007,
Уредба за употреба на средства на присилба и огнено оружје 
(155 KB), 14.09.2007,
Уредба за изменување на уредбата за употреба на средства на присилба и огнено оружје 
(71 KB), 14.09.2007,
Упатсво за начинот на постапување на овластените службени лица во МВР со привремено одземени и пронајдени предмети 
(186 KB), 14.09.2007,
Уредба за изменување на уредбата за униформата и ознаките на униформата на полицијата во МВР 
(74 KB), 14.09.2007,
Решение за цените на обрасците што ги издава МВР 
(102 KB), 01.10.2009,
Правилник за изменување на правилнико за користење на службени мобилни телефони и на службени претплатнички идентификациони модули во МВР 
(70 KB), 01.10.2009,
Кодекс на полициска етика 
(153 KB), 01.10.2009,
Закон за внатрешни работи (неофицијален пречистен текст)
(305 KB), 06.10.2010,
Правилникот за престанување на важноста на Правилникот за начинот на повикување и ангажирање на припадниците на резервниот состав на МВР
(97 KB), 27.11.2010,

Што е проблемот со оваа интернет страна? Јас би рекла дека е таа многу нагледен пример за проблемот со кој се соочуваме. Таа е показател на огромно незнаење, кое се маскира со буица од празни зборови, и резултира во хаос кој овозможува непречено севладеење на диктаторот. Не треба многу памет за да се види глупоста сублимирана во оваа интернет страна. Имено, тука се измешани важечки и неважечки прописи (со задебелени букви јас ги обележав оние неважечките или оние кои се повикуваат на закони кои веќе не се во сила). Во една кошарка се сместени прописи врз основа на кои треба да се постапува во моментов и прописи кои веќе немаат никакво значење и оние кои одамна требало да бидат заменети со нови, меѓутоа работливата министерка немала време да си ги заврши законските обврски.

Член 165
(преодна одредба член 165 од Законот објавен во “Службен весник на Република Македонија“ бр.92/09)
 (1) Актите за организација и работа и за систематизација на работните места, согласно овој закон,
министерот ќе ги донесе во рок од шест месеца од денот на влегувањето во сила на овој закон.
 (2) Подзаконските прописи предвидени со овој закон ќе се донесат во рок од шест месеца од денот 
на влегувањето во сила на овој закон.
Член 167
Со денот на влегувањето во сила на овој закон престанува да важи Законот за внатрешни работи
(„Службен весник на Република Македонија” бр. 19/95, 15/97,
55/97, 38/2002, 33/2003, 19/2004, 51/2005, 84/2008 и 6/2009) и членовите 116, 117 и 118 од Законот за полиција
(“Службен весник на Република Македонија” бр. 114/2006 и 6/2009).

Исто како и со другите работи во работењето на оваа власт, на едно место се натрупани едно чудо работи, меѓу кои има и исправни и бессмислени и сосема погрешни и застарени и потполно во спротивност со правната логика. На таков начин се создава привид на знаење, на нормираност, на транспарентност и на владеење на правото, а се затскрива незнаењето на носителите на власта, хаосот и бесмисолот на активностите кои се спроведуваат. Во исто време се создава можност за забуни и манипулации и дефокусирање на вниманието и отворени лаги кои неукиот народец и уште понеуките новинари немаат шанси да ги препознаат, а ги голтаат со ширум отворени усти.

Нема владеење на правото во услови на хаос и манипулација со правната регулатива. Тоа значи дека министерката Гордана Јанкуловска или не зна е или отворено ја лаже јавноста.

Доаѓаме до второто нешто што сакам да го споделам со вас. Имено, само како пример ќе посочам што значи ова во практика. Ќе се задржам само на еден момент  од судењето за убиството на Мартин Нешковски. Имено на ова судење беше спомнато постоењето на службена тајна која треба да биде адресирана од страна на органот кој ја препознал со цел обвинетиот да биде ослобеден од нејзиното чување.

На прашањето на новинарите што ќе направи во врска со чувањето на службената тајна на која се повикува обвинетиот Игор Спасов, министерката за внатрешни работи ни соопшти дека тие ќе направат се што од нив бара обвинителството и се што е потребно виновниците да бидат казнети.

Кутрета министерка со смешната интернет страна на која се дадени непостоечки законски и подзаконски одредби, не ни знае дека терминот службена тајна не се употребува во актуелните важечки закони.

Значи, ќе повторам, кога министерката Гордана Јанкуловска ни соопштува дека во Македонија владее правот таа нема појма за што зборува или пак најочигледно лаже. Човек се запрашува, за што се друго нема појма или пак ја лаже јавноста министерката за внатрешни работи Гордана Јанкуловска.

63 total views, no views today

СЛУЧАЈОТ СО УБИСТВОТО НА МАРТИН НЕ Е РАЗРЕШЕН, А СЛУЧАЈОТ СО ПОСТОЕЊЕТО НА НЕОДГОВОРНОСТ И НЕДОПИРЛИВОСТ НА ФУНКЦИОНЕРИТЕ КОИ РАКОВОДАТ СО МВР НЕ Е НИ ПОСТАВЕН НА ДНЕВЕН РЕД

Власта, во обидот да ја заштити својата позиција на неодговорност и недопирливост и во намерата да го одржи системот во кој законите не важат за одреден круг луѓе и во кој непочитувањето на законите не се санкционира, примени и применува неколку стратегии:

1. Врши замена на теза, односно, протестите  насочени кон глобални промени на делувањето на полицијата, специјалните единици и посебно воспоставувањето на систем на контрола и одговорност, ги претставува како протести поврзани единствено со смртта на момчето Мартин. Секоја повреда на човековите права е индивидуална (насочена е кон индивидуаи кои се појавуваат како жртви). Собрани на едно купче, многуте индивидуални повреди укажуваат на проблеми на системот, организацијата и нормативата. За да се разрешат индивидуалните случаи треба да се разрешат проблемите на системот, организацијата и нормативата.

2. Ги дискредитира протестите со тоа што ги прогласува за политички диригирани и партиски инструментализирани. На овој начин власта се обидува да ја пресече нитката на нужна и природна солидарност која се воспоставува меѓу граѓаните кои протестираат, граѓаните организирани во зфруженија на граѓани и опозиционите политички партии кои имаат посебна улога во демократското општетсво да ја контролираат власта и да укажуваат на грешките и проблемите кои треба да се поправат. Во обидот да ги изолираат младите кои се организираат во протестите од сите можни природни сојузници, власта премолчува дека самата таа е конгломерат од организирани структури и институции кои градат заеднички фронт на заштита на сопствената позиција. Прво, ВМРО-ДПМНЕ не е издвоена партија туку е дел од коалиција составена од повеќе партии кои и даваат поддршка. Второ, МВР не е изолирана институција, туку е дел од целокупната структура на власта која и дава поддршка. Трето, во игра се повеќе невладини организации, социјални мрежи и медиуми кои се блиски на власта и кои секојдневно настапуваат со отворена поддршка на нејзините ставови и позиции. Тоа значи дека: власта може да формира мрежи, сојузи и структури на солидарност, а граѓаните треба да настапуваат изолирано и во групи на индивидуален интерес. Наспроти на ова, вистинската демократија која ја препознава моќта на државата, подразбира многу широко поврзување на различните делови на пошироката заедница со цел давање гласност на индивидуата наспроти моќниот апарат на државата.

3. Лаже и дезинформира. Го користи незнаењето на пошироките кругови граѓани во однос на специфичната материја која е поврзана со дејствувањето, организацијата и одговорноста на МВР и шири дезинформации и отворени лаги . Концентрат на дезинформации и лаги претставува одговорот даден на барањата на младите кои протестираат објавен на официјалната страна на МВР.

Во прилог давам анализа на барањата и одговорите на МВР:

1. Барање – Целосно почитување на универзалните човекови права од страна на сите институции на системот.

Одговор: Од страна на Министерството целосно се почитуваат човековите права и слободи. Впрочем ова беше еден од условите за визната либерализација по кој Република Македонија беше високо оценета. МВР секојдневно работи и се залага за нивно унапредување, а како признание на сите активности кои ги презема Министерството дојде и поканата за предлагање на член во Поткомитетот за превенција од тортура и друг вид сурово, нечовечко или понижувачко постапување и казнување на Обединетите Нации, со мандат од 4 години.

НИКОЈ ВО НИТУ ЕДНА ДРЖАВА НЕ МОЖЕ ДА ТВРДИ ДЕКА ЦЕЛОСНО СЕ ПОЧИТУВААТ ЧОВЕКОВИТЕ ПРАВА И СЛОБОДИ. ВАКВОТО ТВРДЕЊЕ Е ЕДНОСТАВНО БЕСМИСЛЕНО. ВИЗНАТА ЛИБЕРАЛИЗАЦИЈА НЕМА   ВРСКА СО ПОЧИТУВАЊЕТО НА ПРАВАТА И СЛОБОДИТЕ НА ГРАЃАНИТЕ. ВО ЧЕТИРИТЕ БЛОКА КОИ ТРЕБАЛО ДА СЕ ИСПОЛНАТ ЧОВЕКОВИТЕ ПРАВА СЕ ОПФАТЕНИ ЕДИНСТВЕНО ВО ОДНОС НА ТРГОВИЈАТА СО ЛУЃЕ.

ЧЛЕНУВАЊЕТО ВО КОМИТЕТОТ ПРОТИВ ТОРТУРАТА ИЛИ ПОТКОМИТЕТОТ НЕМА НИКАКВА ВРСКА СО ПОЧИТУВАЊЕТО НА ПРАВАТА И СЛОБОДИТЕ ВО КОНКРЕТНА ДРЖАВА. НА ПРИМЕР ВО КОМИТЕТОТ ПРОТИВ ТОРТУРА ИМА ЕКПЕРТ ОД КИНА, А ВО ПОТКОМИТЕТОТ ОД ЕРМЕНИЈА И ЛИБАН. ДРЖАВИТЕ ИМААТ ПРАВО ДА НОМИНИРААТ СВОИ КАДИДАТИ КОИ СЕ ИЗБИРААТ ВО ИНДИВИДУАЛНО СВОЈСТВО. (ОВДЕ НЕМА ДА ЈА КОМЕНТИРАМ БРУКАТА НА МАКЕДОНИЈА И КАНДИДАТОТ КОЈ ТАА ГО ПРЕДЛОЖИ И КОЈ БЕШЕ ПРИФАТЕН – КАКО ПРЕДЛОГ НА ДРЖАВАТА СЕ РАЗБИРА – ВО ЖЕНЕВА).

2. Барање – Одговорност и целосно расветлување на случајот каде крвнички беше претепан 22 -годишниот Мартин Нешкоски од Скопје, со доставување на комплетната доказна документација до судските органи;

Одговор: Одговорноста во однос на убиството кое се случи на Плоштадот „Македонија“ е веќе лоцирана и до надлежното Јавно Обвинителство, на 08.06.2011 година, беше процесуирана целокупната документација од преземените мерки и активности во форма на кривична пријава, а подоцна и во форма на посебни извештаи. Пријавата беше прифатена и проследена до Основниот суд Скопје 1 – Скопје како барање за отварање на истрага.

НЕ Е НАПРАВЕНА ЦЕЛОСНА ИСТРАГА НА СЛУЧАЈОТ ВО ОДНОС НА СИТЕ ИНВОЛВИРАНИ ОД МВР (ПРИСУТНИ НА НАСТАНОТ, ЗАДОЛЖЕНИ ЗА ПРИЕМ НА ПРИЈАВИ, ПО КОМАНДНА – ВЕРТИКАЛНА ОДГОВОРНОСТ, ПРОЦЕДУРАЛНО ИНВОЛВИРАНИ, ЛЕКАРИ). ИЗОЛИРАЊЕТО НА ЕДЕН ОСОМНИЧЕН  БЕЗ СПРОВЕДУВАЊЕ НА ОБЕМНА И ЦЕЛОСНА ИСТРАГА Е ЕДЕН ОД НАЧИНИТЕ НА ПРИКРИВАЊЕ НА ДЕЛАТА НА ТОРТУРА. ВО ВАКОВ СЛУЧАЈ, ЈАВНИОТ ОБВИНИТЕЛ ТРЕБА ДА ИНИЦИРА СОПСТВЕНА ИСТРАГА ВО КОЈА ЌЕ БИДЕ ОПФАТЕН И ПРОБЛЕМОТ НА НЕФУНКЦИОНИРАЊЕ НА ОРГАНИТЕ ЗАДОЛЖЕНИ ЗА ТОА ВО МВР.

3. Барање – Правда, утврдување на кривичната одговорност и санкција за сторителот на свирепото убиство на 22 – годишниот Мартин Нешкоски од Скопје;

Одговор: Осомничениот за кривично дело „Убиство“ по чл.123 од КЗ на РМ, на 07.06.2011 година, ден по настанот кој се случи во утринските часови на 06.06.2011 година, беше идентификуван, обезбеден и со него беше извршен разговор во службените простории на СВР Скопје. Истиот веќе следниот ден, на 08.06.2011 година, беше изведен пред надлежен Истражен судија од чија страна му беше изречена мерка притвор во времетраење од 30 дена. Изрекувањето санкција за осомничениот е во исклучителна надлежност на судот кој треба да одлучи во фер и непристрасна постапка

ПРВИЧНИОТ ОБИД ЗА ПРИКРИВАЊЕ НА КРИМИНАЛНИОТ АКТ, НЕСООДВЕТНОТО СОБИРАЊЕ НА МАТЕРИЈАЛНИТЕ И НЕМАТЕРИЈАЛНИ ДОКАЗИ И ОТСУСТВОТО НА ПРОШИРЕНА ИСТРАГА УКАЖУВААТ НА МОЖНОСТА ЗА НЕСООДВЕТНА ИСТРАГА И НАТАМОШНО ПРИКРИВАЊЕ НА ИНФОРМАЦИИ РЕЛЕВАНТНИ ЗА СЛУЧАЈОТ. ОТСУСТВОТО НА ВНАТРЕШНАТА КОНТРОЛА ОД ПОНАТАМОШНОТО ПРОЦЕСИРАЊЕ НА СЛУЧАЈОТ ВО НЕГОВАТА СЕВКУПНОСТ (А НЕ САМО ПОВРЗАНО СО ДИРЕКТНИОТ ОСОМНИЧЕН) ИНДИЦИРА НАМЕРА ЗА ОДРЕКУВАЊЕ ИЛИ МИНИМИЗИРАЊЕ НА ОДГОВОРНОСТА НА СИТЕ ИНВОЛВИРАНИ ПА И НА САМИОТ ГЛАВНО-ОСОМНИЧЕН.

4. Барање –  Правда, утврдување на кривична одговорност и санкција за сите одговорни лица кои со неодговорно вршење на јавна функција и пропусти во вршењето на функцијата, со неспречување на казнивото дело и со груб обид за прикривање на настанот, доведоа до загрозување на безбедноста на граѓаните, загрозување на почитувањето на основните слободи и права на човекот и граѓанинот гарантирани со Уставот на Република Македонија, законите и ратификуваните меѓународни конвенции и договори.

Одговор: Утврдувањето на кривична одговорност и санкции за сите одговорни лица е исто така постапка во која одлучува судот врз база на добиените докази и сознанија од истрагата.

НЕТОЧНО. ПОСТОЈАТ РАЗЛИЧНИ ВИДОВИ И НИВОА НА ОДГОВОРНОСТ. МОЖЕ ДА СТАНЕ ЗБОР ЗА: А) ОДГОВОРНОСТ ЗА ОРГАНИЗИРАЊЕ НА ПОЛИЦИЈАТА ПОВРЗАНО СО ИЗБОРИТЕ (ОБЕЗБЕДУВАЊЕ НА МИТИНГ НА ПОБЕДНИКОТ, ОБЕЗБЕДУВАЊЕ НА УЛИЦИ ВО ВРЕМЕ НА ИЗБОРЕН ПРОЦЕС, РАСПОРЕДУВАЊЕ НА ПОЛИЦИЈАТА НА ПЛОШТАДОТ И СЛ.) Б) ОДГОВОРНОСТ НАТОЈ КОЈ ДАЛ УСМЕНА НАРЕДБА ДА БИДАТ УПОТРЕБЕНИ ПРИПАДНИЦИ НА СПЕЦИЈАЛНИТЕ ЕДИНИЦИ ВО ПРОЦЕС НА ОБЕЗБЕДУВАЊЕ НА НАСТАН. В) ОДГОВОРНОСТ ЗА ОТСУСТВО НА ПИСМЕНА НАРЕДБА (ВО РОК ОД 24 ЧАСА ОД ДАВАЊЕТО НА УСНА НАРЕДБА) Г) ОДГОВОРНОСТ ЗА НЕПРИЈАВУВАЊЕ НА СЛУЧАЈ НА НАСИЛНА СМРТ Д) ОДГОВОРНОСТ ЗА ПРОПУСТ ВО ИДЕНТИФИКУВАЊЕ НА ОПАСЕН КАДАР ВО ПОЛИЦИЈАТА СО ПСИХОЛОШКИ ПРЕЧКИ Ѓ) ОДГОВОРНОСТ ЗА ДАВАЊЕ ИНФОРМАЦИИ КОИ НЕ СЕ ПРОВЕРЕНИ И ЗАЛАЖУВАЊЕ НА ЈАВНОСТА Е) ОДГОВОРНОСТ ЗА ОДДАВАЊЕ НА ЛИЧНИ ИНФОРМАЦИИ ОД ДОСИЕ ВО ПОЛИЦИЈАТА … ОДБИВАЊЕТО ДА СЕ ИСТРАЖАТ СИТЕ ОВИЕ ОДГОВОРНОСТИ ЈАСНО ПОКАЖУВА ДЕКА МВР НЕ ФУНКЦИОНИРА КАКО ИНСТИТУЦИЈА И НЕЈЗИНОТО ДЕЈСТВУВАЊЕ Е ОПАСНО ЗА ЖИВОТОТ НА ГРАЃАНИТЕ.

5. Барање – Поднесување на кривична пријава од страна на надлежните органи на прогон за прикривање на кривично дело (убиство) се со цел откривање на сите учесници во кривично правниот настан.

Одговор: Кривична пријава се поднесува врз база на основани сомненија за сторено кривично дело. Во конкретниот случај, по спроведените предистражни дејствија, беше идентификуван осомничениот и против истиот беа иницирани мерки на кривичен прогон. Во натамошната постапка, доколку надлежниот Истражен судија одлучи да ја прошири истрагата и за прикривање на кривично дело, преземајќи мерки на кривичен прогон против други лица кои биле присутни, го виделе настанот, а не го пријавиле, МВР целосно му стои на располагање за да постапи по сите наредби.

ПОГРЕШНО. МВР ТРЕБА ДА СПРОВЕДЕ НАТАМОШНА ИСТРАГА ЗА ВНАТРЕШНИТЕ ПРОПУСТИ ВО ПРОЦЕДУРАТА И ДОКОЛКУ СЕ ПОЈАВАТ ДОВОЛНО ЕЛЕМЕНТИ ДА ПОДНЕСЕ КРИВИЧНИ ПРИЈАВИ И ПРОТИВ ДРУГИ ЛИЦА. ЈАВНИОТ ОБВИНИТЕЛ ИСТО ТАКА ТРЕБА ДА ПРЕВЗЕМЕ СОПСТВЕНА ИСТРАГА СО ЦЕЛ ЛОЦИРАЊЕ НА СИТЕ ИНВОЛВИРАНИ ВО КРИВИЧНОТО ДЕЈСТВИЕ.

6. Барање – Замена на секторот за внатрешна контрола и професионални стандарди во МВР со Независен систем на контрола на работата на МВР (по препорака на сите извештаи кои упатуваат на формирање независна цивилно тело за контрола)

Одговор: Во моментов во соработка со своите меѓународни партнери, МВР спроведува реформи со кои ќе се зголеми персоналниот и техничкиот капацитет на Секторот за внатрешна контрола и професионални стандарди. Покрај тоа беа преземени и низа мерки за зацрвснување на неговата независност во насока на поголема ефикасност во постапувањето. Од друга страна МВР продолжува блиску да соработува со Народниот Правобранител и Собранието како надворешни институции овластени да вршат надзор врз работењето на министерството. СВКПС исто така е отворен за соработка и со невладините организации, а согласно хиерархиската поставеност Јавниот Обвинител во секој момент може да иницира постапка за кој било случај или кој било полициски службеник. Барањето на замена на СВКПС со „Независен систем на контрола“ е легитимно и впрочем беше дел од програмата на СДСМ. Не може да исклучиме дека опозицијата истото ќе го покрене во Собранието и мнозинството пратеници ќе се произнесат по него согласно мандатот кој им го имаат доверено граѓаните.

БАРАЊЕТО ЗА ПОСТОЕЊЕ НА НЕЗАВИСЕН СИСТЕМ НА КОНТРОЛА ПРОМОВИРАНО ОД СТРАНА НА ЦИВИЛНИОТ СЕКТОР БЕШЕ ПОДДРЖАНО ОД СТРАНА НА ВМРО-ДПМНЕ КОГА БЕШЕ ВО ОПОЗИЦИЈА. ОДБИВАЊЕТО ДА ЈА РАЗГЛЕДА МОЖНОСТА ВО СВЕТЛОТО НА КОНТИНУИРАНИТЕ И КУМУЛИРАНИ ПРОБЛЕМИ ПОВРЗАНИ СО НЕКАЗНИВОСТА ВО ПОЛИЦИЈАТА ВО МОМЕНТОТ КОГА Е НА ВЛАСТ ЗНАЧИ ДЕКА И ТОГАШНАТА ПОДДРШКА БИЛА ЕДИНСТВЕНО ВО ФУНКЦИЈА НА ДОБИВАЊЕ ПОЛИТИЧКИ ПОЕНИ. ОДГОВОРОТ УКАЖУВА НА ОТСУСТВО НА ПОЛИТИЧКА СВЕСТ ЗА ПРОБЛЕМОТ И ОТСУСТВО НА  ПОЛИТИЧКА ПОДГОТВЕНОСТ ОВОЈ ПРОБЛЕМ ДА БИДЕ РАЗРЕШЕН.

7. Барање – Преиспитување на сите законски и подзаконски акти од областа на внатрешните работи и нивната примена во врска со формирањето, функционирањето, третманот и намената на единиците на полицијата и истите да претрпат измени и дополненија заради воведување на строги критериуми за вработување, редовни стандардизирани психолошки тестови и проверки, строго дефинирање на начинот на управување, надзор, намената на полициските единици и строго дефинирање на потребите заради кои припадници на специјални полициски единици ќе бидат повикувани на службена должност.

ОдговорЗаконските и подзаконските акти од областа на внатрешните работи се веќе донесени и истите беа поздравени од страна на Европската комисија. МВР и натаму продолжува да работи на хармонизирањето на домашното со европското законодавство. Доколку немате информација, осомничениот е вработен во Министерството пред десетина години. Оттогаш во голема мера се изменети условите за прием и напредување во специјалните единици, а критериумите се поставени на повисоко ниво.

СПЕЦИЈАЛНИТЕ ЕДИНИЦИ СЕ ФОРМИРААТ СО ИНТЕРНИ АКТИ КОИ НЕ СЕ ДОСТАПНИ ЗА КОНТРОЛА НИТУ НА ПОСТОЕЧКИТЕ КОНТРОЛНИ МЕХАНИЗМИ (СОБРАНИЕ И НАРОДЕН ПРАВОБРАНИТЕЛ). НЕ СЕ ЗНАЕ КАКОВ ВИД ОРГАНИЗАЦИЈА ИМААТ, КОЈА Е НИВНАТА НАДЛЕЖНОСТ, КОЈ И ЗА ШТО МОЖЕ ДА ГИ АНГАЖИРА, КАКВА ОБУКА ИМААТ, ДАЛИ СЕ ВРШАТ РЕДОВНИ ПРОВЕРКИ НА ПСИХИЧКАТА СПРЕМНОСТ И СЛ. ВООПШТО НЕ Е ОДГОВОРЕНО НА ПРАШАЊЕТО ЗА ПРЕИСПИТУВАЊЕ НА ЗАКОНСКАТА РЕГУЛАТИВА НИЗ ПРИЗМАТА НА НЕЈЗИНОТО ПРАКТИКУВАЊЕ. ЗА ДА МОЖЕ ДА СЕ КАЖЕ ДЕКА СЕ ДОНЕСЕНИ СООДВЕТНИ ЗАКОНИ И ДЕКА ТИЕ СЕ ПРИМЕНУВААТ, ТРЕБА ДА ИМА АНАЛИЗИ, ПОДАТОЦИ И ИЗВЕДЕНИ ЗАКЛУЧОЦИ ЗА ПОСТОЕЧКАТА СОСТОЈБА. ОТСУСТВОТО НА ЕЛЕМЕНТАРНИ ЗАКОНСКИ ПРЕДВИДЕНИ ПРОЦЕДУРИ НА “ДЕТОКСИКАЦИЈА“ НА ПОЛИЦАЈЦИТЕ И ПОСЕБНО ПРИПАДНИЦИТЕ НА ОВИЕ ЕДИНИЦИ ПОСЛЕ СЕКОЈА АКЦИЈА ВО  КОЈА СЕ ПРИМЕНУВА СИЛА И ПОСЕБНО КОГА ИМА ПОВРЕДЕНИ И УБИЕНИ ИНДИЦИРА И НОРМАТИВНИ И ОРГАНИЗАЦИОНИ ПРОБЛЕМИ.

8. Барање – Забрана за вработување на лица во МВР кои имаат криминално досие и се одговорни за дела од сферата на насилниот криминал.

Одговор: Забраната за вработување на лица во МВР кои имаат криминално досие беше предвидена во законите поврзани со оваа проблематика, но истата наиде на осуда од страна на експерти за човекови права и беше оценета како противуставна и дискриминаторска со образложение дека секој по издржување на пропишаната казна е еднаков со останатите граѓани.

НЕТОЧНО. СЕ БАРАШЕ ПРЕЦИЗИРАЊЕ НА КРИВИЧНИТЕ ДЕЛА И НИВНО ПОСТАВУВАЊЕ ВО КОНТЕКСТОТ НА РАБОТНОТО МЕСТО НА ИСТ НАЧИН КАКО ШТО СЕ БАРА НА ПРИМЕР, ПЕДОФИЛ ДА НЕ РАБОТИ НА РАБОТНО МЕСТО КОЕ ПОДРАЗБИРА КОНТАКТ СО ДЕЦА.

9. Барање – Зголемена контрола над работата Министерството за внатрешни работи преку задолжително правно регулирање на начинот на објавување на годишниот јавен извештај на МВР односно формирање на правно тело која ќе се грижи за отворено учество на заинтересираните граѓани (одлуката за присуство е на ниво на индивидуа или граѓанска организација, а не по принцип на селективност на државните органи) односно регулирање на редовно издавање на месечни јавни извештаи и термин за односи со јавност на која ќе мора да се даде одговор на сите прашања поставени од заинтересираните страни.

Одговор: МВР редовно ги доставува своите извештаи до Собранието на РМ и нема против во соодветна процедура, истото да одлучи кој може да присуствува при разгледување на истите. Секторот за односи со јавност и слободен пристап до информации веќе соработува со сите заинтересирани страни и согласно законските обврски одговара на сите поставени прашања.

НЕ Е ОДГОВОРЕНО НА БАРАЊЕТО ПРАВНО ДА СЕ РЕГУЛИРА НА НИВО НА ОБВРСКА ИНФОРМИРАЊЕТО И ДА СЕ ОДРЕДИ ПРОЦЕДУРА НА ПРИСУСТВО И ПОСТАВУВАЊЕ ПРАШАЊА КОЈА ЌЕ ГО ОНЕВОЗМОЖИ САМОВОЛНИОТ И СЕЛЕКТИВЕН ПРИСТАП.

10. Барање – Заострена казнена политика во КЗ за кривични дела сторени од страна на вработените во МВР без разлика дали се или не се сторени на службена должност.

Одговор: МВР нема ништо против заострена казнена политика кон сите сторители, вклучувајќи ги и вработените во Министерството. Сепак измените во КЗ се ингеренција на Министерството за Правда и правниците треба да проценат дали ваквото решение е уставно издржано.

ПОЛИТИЧКАТА ВОЉА ЗА ПРОМЕНИ ВО ОВАА НАСОКА ТРЕБА ДА СЕ ИЗРАЗИ И ОД СТРАНА НА МВР. РАЗВОДНУВАЊЕТО НА БАРАЊЕТО СО ИЗЈАВАТА ДЕКА МВР Е ЗА ЗАОСТРЕНА КАЗНЕНА ПОЛИТИКА СПРЕМА СИТЕ, ПОКАЖУВА ОТСУСТВО НА СПРЕМНОСТ ДА СЕ АДРЕСИРААТ СПЕЦИФИЧНИТЕ ПРОБЛЕМИ ПОВРЗАНИ СО НЕКАЗНИВОСТА НА ПОЛИЦИЈАТА И ОТЕЖНАТИТЕ УСЛОВИ НА ДОКАЖУВАЊЕ НА ВИНАТА НА ПОЛИЦАЈЦИТЕ КОИ ЈА ЗЛОУПОТРЕБИЛЕ СЛУЖБЕНАТА ПОЛОЖБА СО ТЕШКИ ТЕЛСНИ ПОСЛЕДИЦИ ИЛИ СМРТ НА ЖРТВИТЕ. ОВА ПОКАЖУВА И НЕСПРЕМНОСТ ДА СЕ ПОСТАПИ СОГЛАСНО ОДРЕДБИТЕ НА КОНВЕНЦИЈАТА ПРОТИВ ТОРТУРАТА И КОНТИНУИРАНИТЕ ЗАБЕЛЕШКИ ДАДЕНИ ОД СТРАНА НА КОМИТЕТОТ ЗА ПРЕВЕНЦИЈА ОД ТОРТУРА НА НА СОВЕТОТ НА ЕВРОПА (КОЈ МАКЕДОНИЈА ЈА ПОСЕТУВА  МНОГУ ПОЧЕСТО ОТКОЛКУ ТОА ШТО ГО БАРА СТАНДАРДНАТА ПРОЦЕДУРА).

11. Барање – Оставка на сите директно одговорни лица во МВР, заради нехумано и неодговорно вршење на функцијата, а особено на министерката за внатрешни работи г-ѓата Гордана Јанкуловска и Помошникот министер за Односи со јавноста при МВР, г-динот Иво Котевски, а во рок од 7 (седум) дена по доставување на ова барање.

Одговор: Прејудицирањето вина и одговорност, непочитувањето на надлежните институции и процедури е постапка која што се коси со сите демократски правила и постапки. За политички барања постојат соодветни процедури во демократски избраните институции, кои впрочем изминативе години во неколку наврати ги користеше СДСМ. МВР јасно го соопшти својот став по случајот дека станува збор за трагичен настан кој не е политички и истиот не треба да се злоупотребува во политички цели. Одговорноста за настанот е индивидуална и обврска на министерството беше истата да ја утврди, лоцира и да покрене соодветна постапка, што досега е сторено.

ПОЛИТИЧКАТА ВИНА НЕ СЕ ДОКАЖУВА ВО СУДСКА ПРОЦЕДУРА ЗА ДА МОЖЕ ДА СТАНЕ ЗБОР ЗА ПРЕЈУДИЦИРАЊЕ НА ВИНА. ГРАЃАНИТЕ ИМААТ ПРАВО ДА ПОВИКААТ НА ОДГОВОРНОСТ ЗАТОА ШТО СУВЕРЕНИТЕТОТ ПРОИЗЛЕГУВА ОД ГРАЃАНИТЕ И ИМ ПРИПАЃА НА ГРАЃАНИТЕ. СЕКОЈ ОБИД ДА СЕ ОГРАНИЧИ СУВЕРЕНИТЕТОТ НА ГРАЃАНИТЕ  ПРЕТСТАВУВА АКТ НА КРШЕЊЕ НА УСТАВОТ НА РЕПУБЛИКА МАКЕДОНИЈА И АКТ НА УРИВАЊЕ НА УСТАВНИОТ ПОРЕДОК. ТЕМЕЛНА ВРЕДНОСТ НА УСТАВОТ СЕ ОСНОВНИТЕ СЛОБОДИ И ПРАВА НА ГРАЃАНИТЕ. ОСНОВНО ПРАВО И СЛОБОДА НА ГРАЃАНИТЕ Е ДА ГО ИСКАЖУВААТ СВОЕТО МИСЛЕЊЕ (ВО УСТАВОТ Е ГАРАНТИРАНА СЛОБОДАТА НА ЈАВНО ИЗРАЗУВАЊЕ НА МИСЛАТА). ОГРАНИЧУВАЊЕТО НА ОВА ПРАВО ЈА ПРАВИ ВЛАСТА НЕДЕМОКРАТСКА И НЕУСТАВНА. НА ГРАЃАНИТЕ ИМ СЕ ГАРАНТИРА СЛОБОДАТА НА ЗДРУЖУВАЊЕ ЗА ОСТВАРУВАЊЕ НА ПОЛИТИЧКИ УВЕРУВАЊА. БИЛО КОЕ ОГРАНИЧУВАЊЕ НА ОВА ПРАВО Е ПРОТИВУСТАВНО И НАСОЧЕНО КОН УРИВАЊЕ НА УСТАВНИОТ ПОРЕДОК. ГРАЃАНИТЕ ИМААТ ПРАВО МИРНО ДА СЕ СОБИРААТ И ДА ГО ИСКАЖУВААТ СВОЕТО МИСЛЕЊЕ. БИЛО КОЕ ОГРАНИЧУВАЊЕ НА ОВА ПРАВО Е ПРОТИВУСТАВНО И НАСОЧЕНО КОН УРИВАЊЕ НА УСТАВНИОТ ПОРЕДОК. СЕКОЈ ГРАЃАНИН ИМА ПРАВО ДА УЧЕСТВУВА ВО ВРШЕЊЕ НА ЈАВНИТЕ ФУНКЦИИ. БИЛО КОЕ ОГРАНИЧУВАЊЕ НА ОВА ПРАВО Е ПРОТИВУСТАВНО И НАСОЧЕНО КОН УРИВАЊЕ НА УСТАВНИОТ ПОРЕДОК. ГРАЃАНИНОТ НЕ МОЖЕ ДА БИДЕ ПОВИКАН НА ОДГОВОРНОСТ НИТУ ДА ТРПИ ШТЕТНИ ПОСЛЕДИЦИ ЗАРАДИ ПРЕТСТАВКИ ПОДНЕСЕНИ ДО ДРЖАВНИТЕ ОРГАНИ. БИЛО КОЕ ОГРАНИЧУВАЊЕ НА ОВА ПРАВО Е ПРОТИВУСТАВНО И НАСОЧЕНО КОН УРИВАЊЕ НА УСТАВНИОТ ПОРЕДОК.

НЕ СТАНУВА ЗБОР ЗА ТРАГИЧЕН НАСТАН ТУКУ ЗА ПОВРЕДА НА ПРАВОТО НА ЖИВОТ ГАРАНТИРАНО СО УСТАВОТ ОД СТРАНА НА ДРЖАВЕН СЛУЖБЕНИК. ОДГОВОРНОСТА ЗА ВАКОВ ВИД НА ПОВРЕДА Е И ИНДИВИДУАЛНА (НА СИТЕ ИНВОЛВИРАНИ) И ИНСТИТУЦИОНАЛНА (НА СИТЕ СТРУКТУРИ НА ДРЖАВАТА КОИ ГО ОВОЗМОЖИЛЕ, НЕ ГО ОТКРИЛЕ, НЕСООДВЕТНО ГО ПРОЦЕСИРАЛЕ, СЕ ОБИДЕЛЕ ДА ГО ЗАТСКРИЈАТ И ОДБИВААТ ДА НАПРАВАТ ПРОМЕНИ СО ЦЕЛ ПРЕВЕНЦИЈА ОД ДРУГИ СЛУЧНИ СЛУЧАИ).

Ограничувањето на слободите и правата не може да се однесува на правото на живот, забраната на мачење, на нечовечко и понижувачко постапување и казнување, на правната одреденост на казнивите дела и казните, како и на слободата на уверувањето, совеста, мислата, јавното изразување на мислата и вероисповеста. ДУРИ И ВО ВОЕНА СОСТОЈБА.

30 total views, no views today

КАКО МОЖЕ ЛУЃЕ КОИ НЕ ГИ ЗНААТ ЗАКОНИТЕ ДА НЕ ГИ ПРЕКРШУВААТ?


Портпаролот на МВР (во врска со лишувањето од слобода на Љубе Бошковски) изјави дека Љубе се терети со две кривични дела:

1. злоупотреба на службената положба и овластување и

2. злоупотреба на средствата за финансирање на изборната кампања

За првото дело Љубе не го исполнува основниот услов да има службена положба и овластувања.

Според Кривичниот законик:

Член 353

(1)Службено лице кое со искористување на својата службена положба или овластување, со пречекорување на границите на своето службено овластување или со неизвршување на својата службена должност ќе прибави за себе или за друг некаква корист или на друг ќе му нанесе штета, ќе се казни со затвор од шест месеци до три години.

Член 122

(4) Како службено лице, кога тоа е означено како сторител на кривично дело се смета:

а) претседателот на Република Македонија, поставените амбасадори и пратеници на Република Македонија во странство и именувани лица од претседателот на Република Македонија, избран или именуван функционер во Собранието на Република Македонија, во Владата на Република Македонија, во органите на државната управа, во судовите и други органи и организации што вршат определени стручни, правни и други работи во рамките на правата и должностите на Републиката, во локалната самоуправа, како и лица кои постојано или повремено вршат службена должност во овие органи и организации,

б)државен службеник кој врши стручни, нормативно- правни, звршни, управно- надзорни работи и управни работи во согласност со Уставот и со закон,

в) овластено лице во правно лице на кое со закон или со друг пропис донесен врз основа на закон му е доверено вршење на јавни овластувања, кога должноста ја врши во рамките на тие овластувања,

г)лице кое врши определени службени должности врз основа на овластување дадено со закон или со други прописи донесени врз основа на закон,

Според толкување дадено од Уставниот суд:

Според правната наука јавните овластувања се функции на државата чие вршење се доверува на установи, организации и заедници и најчесто се однесува на одделни односи од пошироко значење (решавање во поединечни управни работи, водење на евиденција, издавање на јавни исправи и слично).

На овие субјекти правото да вршат јавно овластување им се пренесува со закон.

По пренесувањето на јавното овластување државата го задржува правото да врши надзор над законитоста на работењето на субјектите на кои им е доверено тоа овластување.

Политичките партии не спаќаат во овие субјекти.

За второто дело се уште не се остварени условите.

Имено, според Изборниот законик постои рок во кој се поднесуваат извештаите кои ги разгледува ревизија, а не полиција или УЈП и која го има последниот збор, односно, може да предложи поведување прекршочна постапка или може да ги достави наодите до Јавниот обвинител со цел утврдување кривична одговорност).

80 total views, 1 views today