ЗА ОКТОМВРИСКАТА РЕВОЛУЦИЈА

Кога се зборува за Октомвриската револуција треба да се има предвид дека тоа била револуција инспирирана од најблагородната филозофија која се обидува во центарот на општествените движења да го стави слободниот човек.
Револуција која ја извеле луѓето кои немале што да изгубат, а имале толку многу да добијат. Илјадници луѓе кои умирале од глад и немаштина, кои се распаѓале од болештини и кои гинеле на боиштата во нечии освојувачки војни. Илјадници луѓе кои решиле да не робуваат на моќниците. Илјадници луѓе кои решиле да си го вратат човечкото достоинство.
Револуција која создала општество водено од идејата за еднаквоста, хуманоста, достоинството и способноста на луѓето сами да управуваат со своите животи.
 
Револуција која покажала дека можат да постојат и други политички системи и поинакви државни структуирања од оние на капитализмот. За голем број луѓе новиот систем значел не само подобар живот, туку значел дека ќе преживеат. Илјадници луѓе добиле шанса да се образуваат, да  уживаат во уметноста, да творат и да се развиваат.
Тоа е револуција која инспирирала и се уште инспирира.
Јас верувам дека има многу што да се научи од оваа револуција (и од грешките и од позитивните работи).
И верувам дека во еден друг момент, во едни други услови и на еден многу повисок степен од развојот на човештвото ќе може да биде заокружен развојниот циклус и гасеницата ќе ја добие својата завршна форма.

22 total views, 1 views today

РЕВОЛУЦИИТЕ НЕ СЕ СЛУЧУВААТ СЛУЧАЈНО

На денешен ден во 1917 година започнала големата револуција која го свртела светот на тумбе.

Picture1

Ленин

 

 

 

 

 

 

 

 

 

 

Постоењето на такви огромни  разлики на едно место, морало да предизвика ерупција која се претворила во најголемото спротиставување на малиот човек на огромната моќ и богатство исправени пред него. За прв пат луѓето пробале еден идеал да го претворат во пракса. И се кренале.

Со оружје во рака и со верба дека можат да направат подобар систем кој ќе овозможи подобар и подостоинствен живот за луѓето. И започнала големата револуција.

Револуцијата била голема затоа што било големо страдањето кое стоело во нејзините основи.

Била голема заради огромниот број луѓе кој учествувал во неа.

Била Голема заради големината на идеите кои стоеле зад неа.

Била голема, заради големината на влијанието кое го извршила врз целокупниот развој на човештвото и новите перспективи на хуманоста кои ги отворила.

Била голема заради големината на направената промена во животот на луѓето.

Денес СССР веќе не постои и социјализмот го негираат како систем кој е во состојба да го замени капитализмот. Меѓутоа, големата Октомвриска револуција покажа дека работите можат да се сменат и дека големите нарушувања на достоинството на човекот, сведувањето на човекот на животинска егзистенција, огромните дискрепанци во распределбата на богатствата и континуираната состојба на страв доведуваат до револуција како неминовно разрешување на овие состојби.

Честит ден на големата револуција татко. И те уверувам, таа продолжува иако некогаш ти изгледа дека запрела. Начинот е поинаков но целта е иста: подобар и подостоинствен живот, за што е можно поголем број луѓе.

http://ajoydasgupta.wordpress.com/2013/11/07/defend-the-ideological-heritage-of-the-october-revolution/

http://www.workers.org/articles/2013/11/06/russian-revolution-changed-world-forever/

http://news.bigmir.net/world/770023-Segodnya-otmechaut-godovshiny-Oktyabrskoi-revolucii

http://topwar.ru/35629-den-oktyabrskoy-revolyucii-1917-goda-v-rossii.html

http://korrespondent.net/world/3204805-sehodnia-otmechauit-hodovschynu-oktiabrskoi-revoluitsyy

http://www.theguardian.com/world/2012/jul/04/the-return-of-marxism

17 total views, no views today