ПРАТЕНИЦИ – КРАДЦИ

Уште малку за трошоците на пратениците (ова би требало да го прават новинарите, а не јас).

Според ЗАКОНОТ ЗА ПЛАТА И ДРУГИТЕ НАДОМЕСТОЦИ НА ПРАТЕНИЦИТЕ ВО СОБРАНИЕТО НА РЕПУБЛИКА МАКЕДОНИЈА И ДРУГИТЕ ИЗБРАНИ И ИМЕНУВАНИ ЛИЦА ВО РЕПУБЛИКАТА:

  1. надоместок на трошоците за користење автомобил во лична сопственост за службени цели – до износот што според еден изминат километар не може да биде поголем од 30% од продажната цена на еден литар гориво за возилото кое се користи

ОВА НЕ Е ФОРМУЛА ЗА ПРЕСМЕТУВАЊЕ НА НАДОМЕСТОКОТ КОЈ ТРЕБА ДА БИДЕ ИСПЛАТЕН ЗА ПАТНИ ТРОШОЦИ, ТУКУ МАКСИМУМОТ КОЈ МОЖЕ/СМЕЕ ДА БИДЕ ИСПЛАТЕН.

ФОРМУЛАТА ЗА ИСПЛАТА Е СОДРЖАНА ВО ОПШТИТЕ АКТИ НА СОБРАНИЕТО И ТАА МОРА ДА БИДЕ СОСТАВЕНА ОД МЕРЛИВИ И ФАКТИЧКИ ТРОШОЦИ:

  • КИЛОМЕТРИ
  • ЦЕНА НА ГОРИВОТО КОЕ ГО КОРИСТИ АВТОМОБИЛОТ КОЈ СЕ КОРИСТИ
  • ПРОСЕЧНА ПОТРОШУВАЧКА НА АВТОМОБИЛОТ КОЈ СЕ КОРИСТИ
  • ПРОЦЕНТ НА АМОРТИЗАЦИЈА
  • ПАТАРИНИ

СО ПРЕСМЕТКАТА ТРЕБА ДА СЕ ДОЈДЕ ДО ОДРЕДЕНА СУМА КОЈА МУ СЕ ИСПЛАТУВА НА ПРАТЕНИКОТ ЗА СЕКОЕ ПАТУВАЊЕ. ДОКОЛКУ ТАА СУМА ГО НАДМИНУВА МАКСИМУМОТ ПРЕДВИДЕН ВО ЗАКОНОТ, НА ТОЈ ПРАТЕНИК НЕ МУ СЕ ИСПЛАЌА РАЗЛИКАТА (ЗАРАДИ ТОА Е СТАВЕН МАКСИМУМОТ).

ЕВЕ НА ПРИМЕР, ДОКОЛКУ ЈАС КАКО ПРАТЕНИК БИ ГО КОРИСТЕЛА МОЈОТ ЛИЧЕН АВТОМОБИЛ ЗА ПАТУВАЊЕ ДО ВЕВЧАНИ (ХИПОТЕТИЧКИ):

  • КИЛОМЕТРИ – 368
  • ЦЕНА НА ГОРИВОТО КОЕ ГО КОРИСТИ АВТОМОБИЛОТ КОЈ СЕ КОРИСТИ – 50 ДЕНАРИ
  • ПРОСЕЧНА ПОТРОШУВАЧКА НА АВТОМОБИЛОТ КОЈ СЕ КОРИСТИ – 6 ЛИТРИ НА 100 КИЛОМЕТРИ
  • ПРОЦЕНТ НА АМОРТИЗАЦИЈА – 30% (ОВА КАКО НЕКОЈ МАКСИМУМ)

РЕЗУЛТАТОТ Е ДЕКА ДОКОЛКУ ПАТУВАМ СЕКОЈ ДЕН (22 ДЕНА ВО МЕСЕЦОТ ОД ВЕВЧАНИ ДО СКОПЈЕ И НАЗАД) ЗА ЕДЕН МЕСЕЦ ТРЕБА ДА МИ БИДАТ ИСПЛАТЕНИ 38000 ДЕНАРИ (630 ЕВРА). ВО ОВА СЕ ЗАСМЕТАНИ И ПАТАРИНИТЕ.

ДОКОЛКУ КАКО ПРАТЕНИК КЕШИРАМ 2500 ЕВРА (ХИПОТЕТИЧКИ), СЕ ПОЈАВУВА РАЗЛИКА ОД 1870 ЕВРА (ПОД ПРЕТПОСТАВКА ДЕКА СЕКОЈ РАБОТЕН ДЕН СУМ ПАТУВАЛА ОД ВЕВЧАНИ ДО СКОПЈЕ И НАЗАД).

ИСПЛАТАТА СЕ ВРШИ ВРЗ ОСНОВА НА ПРИЛОЖЕНИ СМЕТКИ ОД БЕНЗИНСКА И ЛИВЧИЊА ОД ПАТАРИНИ ШТО ЗНАЧИ ДЕКА ТОЧНО СЕ ГЛЕДА КОГА ДОАЃАЛ ПРАТЕНИКОТ И КОГА СИ ОДЕЛ ДОМА. ТОА ЗНАЧИ ДЕКА  ДОКОЛКУ НЕКОЈ МИ ИСПЛАТИЛ БИЛО КОЈА СУМА БЕЗ ПРИЛОЖЕНА СМЕТКА И ПАТАРИНИ, И ЈАС КАКО ПРАТЕНИК (ХИПОТЕТИЧКИ) И ТОЈ КОЈ ШТО ИСПЛАТИЛ СМЕ НАПРАВИЛЕ КРИВИЧНО ДЕЛО КРАЖБА. 

  1. надоместок поради одвоен живот од семејството до 30% од просечната нето месечена плата по работник исплатен во Република Македонија во претходните три месеци;

ВТОРО ПРАШАЊЕ КОЕ ТРЕБА ДА СЕ РАСЧИСТИ Е ДАЛИ ЈАС КАКО ПРАТЕНИК СУМ  ЗЕЛА НАДОМЕСТОК ЗА ОДВОЕН ЖИВОТ. ДОКОЛКУ СУМ ГО ЗЕЛА ОВОЈ НАДОМЕСТОК ТОА ЗНАЧИ ДЕКА НЕ СИ ОДАМ ДОМА, И НИКАКО НЕ МОЖЕ ДА ЗЕМАМ ПАТНИ ТРОШОЦИ КАКО СЕКОЈ ДЕН ДА ПАТУВАМ ДО СКОПЈЕ И НАЗАД.

  1. надоместок за селидбени трошоци од местото на живеалиштето до местото во кое се врши функцијата, односно до местото на преселување во рок од една година од денот на престанување на функцијата. Во селидбени трошоци на функционерот се признаваат и трошоците за превоз на функционерот и на членовите на неговото домаќинство. Селидбените трошоци и трошоци за превоз се исплатуваат врз основа на приложени сметки и документација, под услови утврдени со општиот акт на органот од член 3 на овој закон

ТРЕТО ПРАШАЊЕ Е ДАЛИ СУМ ЗЕЛА НАДОМЕСТОК ЗА СЕЛИДБА, ШТО БИ ЗНАЧЕЛО ДЕКА МОЕТО  СЕМЕЈСТВО Е СО МЕНЕ, ПА НЕМА ПОТРЕБА ОД 30% ЗА ОДВОЕН ЖИВОТ И СЕ ПРОБЛЕМАТИЗИРА СЕКОЈДНЕВНОТО ПАТУВАЊЕ ДО ВЕВЧАНИ НА ПРИМЕР.

МНОГУ Е ВАЖНО ВО ПРАТЕНИЧКИТЕ КЛУПИ ДА СЕДАТ ПРАТЕНИЦИ, А НЕ КРАДЦИ. А КОНТРОЛАТА Е ЛЕСНА, САМО АКО НЕКОЈ САКА ДА ЈА НАПРАВИ.

ЗАШТИТНИЦИ НА КРИМИНАЛОТ

се луѓе кои од позиција на моќ ги штитат тие кои краделе, мамеле, убивале, измачувале, рекетирале, понижувале исто така од позиција на моќ.
Со тоа што ја блокираат работата на Собранието овие луѓе го поткопуваат уставниот поредок на државата.
Со тоа што директно и/или индиректно поддржаа насилство во Собранието, овие луѓе учествуваат во насилно рушење на уставниот поредок на државата.
Со тоа што не дозволуваат да биде сменет ЈО против кој демонстрираа илјадници граѓани многу долго време, овие луѓе спречуваат да се воспостави правната држава и да почне да функционира правосудниот систем.
Мислам дека оние кои гласале за партијата на која и припаѓаат треба да почнат да им поставуваат прашања за тоа како ги застапуваат нивните потреби и интереси, како нивната работа обезбедува подобар и посигурен живот на граѓаните на Македонија и како со своите активности го овозможуваат владеењето на правото.

ОВАА ВЛАСТ ТРЕБА ДА БИДЕ СМЕНЕТА АКО ЗА НИШТО ДРУГО ТОГАШ ЗАРАДИ ГЛУПОСТА КОЈА ЈА МАНИФЕСТИРА НА СЕКОЈ ЧЕКОР

ВМРО-ДПМНЕ

Неписменоста на политичката гарнитура погубно влијае на глобалното ниво на писменост на сите граѓани.

Веќе секој законски текст станува школски пример за незнаење, за измотавање со правото, за елементарно отсуство на логика. На сето тоа се надоврзува непознавање на другите закони и носење на закони кои се или во спротивност или едноставно немаат врска со претходно законски регулирана материја.

Таков е примерот со новодонесениот (се разбира по скратена постапка) ЗАКОН ЗА ТРАНСФОРМАЦИЈА ВО РЕДОВЕН РАБОТЕН ОДНОС.

Според членот 1

Со овој закон се регулира трансформирањето во работен однос на неопределено работно време на лицата ангажирани со договор за волонтирање, договор на дело и/или авторски договор или друг договор со кој лицето е ангажирано за извршување на работа (договор), кои извршуваат работа во органите на државната власт, установите од областа на културата, образованието, здравството, детската и социјалната заштита основани од Република Македонија и единиците на локална самоуправа, како и јавните претпријатија, заводите, фондовите и други правни лица чиј основач е Република Македонија (во понатамошниот текст: институции), како и ограничување на периодот и бројот на лица кои може да се ангажираат со договор.

Во членот еден веќе се измешани баби и жаби, па во еден куп се ставени договорите на дело (кои се склучуваат согласно Законот за облигациони односи), некои други договори (од крајно непознат карактер) и договорите за волонтирање за кои важат одредбите од Законот за волонтерство.

Според членот 2

Трансформирањето во работен однос на неопределено работно време ќе се искористи исклучиво за лицата од членот 1 од овој закон, кои извршуваат работи врз основа на договор во период од најмалку 3 месеци сметано до 30.11.2014 година, а кои исто така имаат важечки договори и во моментот на трансформирањето на работниот однос.

Се поставува прашањето, зошто е дадена временска одредница “најмалку 3 месеци сметано до 30.11.2014 година“, доколку се бара постоење на договор во моменто во кој се изведува трансформацијата?

Дали тоа значи дека сите оние кои се “непожелни“ за структурите на власт, и покрај тоа што биле ангажирани со договор на дело подолг период, нема да можат да бараат трансформација на договорниот во работен однос ако во моментот кога треба да се изврши трансформацијата немаат соодветен договор. Колку е лесно да се изнајде некоја повреда на договорот и токму оние “непожелните“ едноставно ете баш во тој период да не бидат ангажирани (и покрај тоа што претходно извршувале работни задачи, на пример, со години)?

Според членот 3

Договорите за вработување, односно решенијата за вработување од став 1 од овој член се донесуваат на следниот начин:

1) договорите, односно решенијата за вработување за најмногу 35% од вкупно ангажираните лица стапуваат на сила со нивното потпишувањето, односно со донесувањето,

2) договорите, односно решенијата за вработување за најмногу 35% од вкупно ангажираните лица, стапуваат на сила од 01.12.2015 година,

3) договорите, односно решенијата за вработување за преостанатиот број од вкупно ангажираните лица, стапуваат на сила од 01.09.2016 година.

Што значи ова во превод?

Многу еважна формулацијата “најмногу“ 35%. Нема најмалку. Тоа значи дека може и 1% или 0,5%. За другите 99,5% законот ќе стапи на сила на 1.09.2016.

Со тоа, изјавата на вицепремиерот Пешевски исфрлена со бомбастичен наслов “Нова одлука на Владата – Вработување над 3000 лица“, всушност може да значи вработување на 15 луѓе, а останатите 2885, ќе почекаат до 1.09.2016 година (се разбира доколку во тој момент се уште бидат ангажирани со договор за дело, односно, уште волонтираат).

Според овој член

Институциите не смеат да го раскинат договорот со лицата определени во член 2 од овој закон во периодот до стапување на сила на решенијата од став 1 од овој член, освен ако лицата ги повредат обврските преземени со договорот согласно закон.

Тоа значи дека, доколку едната договорна страна утврди повреда на одредбите на договорот може да го раскине договорот, а незадоволната страна може да бара заштита во граѓанска постапка (бидејки станува збор за облигационен однос).

Меѓутоа, што значи тоа од аспект на институцијата? Дека мора да го држи некој човек кој бил ангажиран проектно и после завршување на проектот?

Оваа одредба е во спротивност и со членот 6 од истиов закон, според кој институциите не можат да ангажираат волонтери повеќе од 6 месеци (меѓутоа, од донесувањето на овој закон па до моментот на финализирање има повеќе од 12 месеци).

Понатаму, во истиот тој член,

 При засновањето на работниот однос на неопределено време со лицата ангажирани со договор, приоритет во однос на динамиката треба да имаат лицата кои се ангажирани во институцијата најдолг временски период.

Што значи ова во превод?

Не се важни квалификациите, не е важна стручноста, не е важно знаењето, не е важна вештината.

Ако се има предвид дека за волонтирање воопшто не се ни бараат никакви квалификации, тоа значи дека секој (апсолутно секој), може да биде запослен во одредена државна институција.

Според членот 4

Министерството за финансии издава согласност за обезбедени финансиски средства за трансформација во работен однос на неопределено работно време на лицата од членот 2 од овој закон (во понатамошниот текст: согласност), на барање на институциите.

Кон барањето до Министерството за финансии, институциите задолжително доставуваат потврда за извршени исплати за последните три месеци сметано до 30.11.2014 година, како и за последователните месеци од овој датум до денот на донесувањето на решението за вработување, односно склучување на договорот за вработување.

За институциите кои се втора линија буџетски корисници барањето за согласност се доставува преку надлежниот орган, односно буџетскиот корисник од прва линија.

Што значи ова во превод.

Ова значи дека Министерството за финансии може да утврди дека нема средства и трансформацијата да се одложи до бескрај (нема никаква обврска за Министерството за финансии, ниту пак рокови во кои тоа треба да одговори, а без негова согласност нема ниту трансформација)

Според членот 5

Лицата кои ќе го остварат правото од членот 3 од овој закон, во рок од шест месеци се должни да ги исполнат општите и посебните услови за вработување на соодветното работно место утврдени со закон и со актите за систематизација на институцијата.

Што значи ова во превод?

Тоа значи нерамноправна положба на работниците на пазарот на труд. Имено, доколку некој работник се вработува согласно Законот за работни односи, тој се јавува на конкурс и за да биде вработен мора да ги исполнува предвидените услови. Бидејки во овој случај постои конкуренција меѓу повеќе пријавени кандидати, тоа значи дека работникот за да биде вработен не само што треба да ги исполнува условите  туку треба да ги исполнува повеќе и на повисоко ниво од останатите кандидати. Наспроти на ова, работникот кој ќе биде вработен со Законот за трансформација не треба да ги исполнува ни минималните услови за вработување.

Според членот 6

Институциите не смеат да ангажираат лица со договор за волонтирање на период подолг од 6 месеци.

Лицето кое било ангажирано со волонтерски договор шест месеци во институција, не може повторно да биде ангажирано со договор за волонтирање во наредните три години во истата или во друга институција.

Овој член е не само во судир со Законот за волонтерство туку е спротивен и на самата идеја на волонтерството.

Прво, во Законот за волонтерство нема никакви ограничувања од аспект на должината на ангажманот на волонтерите или пак институцијата во која ќе се ангажираат.

Според овој закон

Волонтерството претставува активност од интерес за Република Македонија која придонесува за подобрување на квалитетот на животот со активно вклучување на луѓето во општествениот живот, како и за развој на хумано и рамноправно демократско општество.

Зошто некој би временски би ограничил  (на само 6 месеци) активност од интерес за Република Македонија? Затоа што не ја разбира? Затоа што ја злоупотребува како начин за внесување на партиски кадри на мала врата (кои нема да подлежат на исти правила за вработување)?

Понатаму, бидејки согласно Законот за волонтерство, волонтери можат да бидат и малолетни лица и странци, дали и за нив ќе важат одредбите од Законот за трансформација?

Уште повеќе, според Законот за волонтерство (член 14)

Организаторот на волонтерската работа е должен со волонтер – домашно физичко лице да склучи договор за волонтерство во писмена форма, доколку волонтерската работа трае повеќе од 40 часа месечно.

Дали тоа значи дека законот за трансформација се однесува на волонтерите кои работат 41 час месечно или помалку (доколку со нив е склучен договор) на ист начин како и за луѓето кои работат по договор за дело кој подразбира 40 часовна работна недела?

Уште повеќе, ако се има предвид членот 4 од Законот за волонетрство, според кој

Волонтер е физичко лице кое дава услуги, вештини и знаења во корист на други лица, органи, организации и други институции, на доброволна основа и без финасиска или друга лична добивка.

се поставува прашањето за прекршување на овој закон, со оглед на тоа дека некои волонтери очигледно ќе остварат и финансиска и друга лична добивка со тоа што ќе се вработат (како резултат на вршењето на волонтерската дејност).

И секако, тука се и казните. Само како пример:

според членот 11

Лицето кое раководи со институцијата која ќе ангажира лице со договор за волонтирање подолго од шест месеци или ќе ангажира лице со договор за волонтирање во периодот од три години после истекот на претходното волонтирање ќе се казни со казна затвор од шест месеци до три години.

Тоа значи, дека доколку  постапувате согласно Законот за волонтерство и сакате да го искористите целокупниот потенцијал кој ви стои на располагање за доброто на граѓаните (без од тоа да имате лична корист), ќе бидете казнети на ист начин како да сте, на пример, сторител на семејно насилство (член 130 од Кривичниот законика), или, прикажувате порнографски материјал на малолетник (член 193 од Кривичниот законик), или, пропагирате расна омраза и поттикнувате на расна дискриминација (член 417 од Кривичниот законик).

stupidity (1)СПОРЕД МОЕ МИСЛЕЊЕ ВАКВИТЕ ЗАКОНИ ТРЕБА ДА СЕ ПРОГЛАСАТ ЗА НИШТОВНИ, НЕ ЗАРАДИ ДРУГО, ТУКУ ПО ПРИНЦИПОТ НА НУЛТА ТОЛЕРАНЦИЈА ЗА ГЛУПОСТ.

ИЗМАМА

1. 

Објаснувањето дадено од страна на Илија Димовски (во улога на предлагач) на најновиот предлог за промена на законите кои се однесуваат на плаќањето давачки за договори за дело и авторски договори, ги имаат сите карактеристики на измама (која најдобро се изведува кога се базира на полувистини, создава впечаток дека измамениот ја има контролата над нештата и дека се што се прави се прави по негово барање и во негова полза).

deception_1

На пример:

… пратеникот од ВМРО-ДПМНЕ, Илија Димовски, вели дека иако законот е донесен во текот на летните месеци, тогаш немало дебата, ниту, пак, продлабочен интерес за овој закон.

Во овој дел од изјавата точно е дека законот е донесен во текот на летните месеци (крајот на месец Јули кога голем број од граѓаните се на одмор). И тоа е направено со намера (да се избегне расправа и да се оневозможи брза реакција на засегнатите граѓани).

Точно е дека немало дебата. И не можело да има бидејки законот е донесен по скратена постапка (што значи не само ускратување на правото на јавна расправа, туку и скратување на дебатата која се води во самото Собрание).

Не е точно дека немало продлабочен интерес за овој закон. Уште на самиот почеток и во неколку наврати после донесувањето на законот сите заинтересирани страни (хонорарци, бизнис заедница) многу јасно и отворено се спротиставуваат на направените промени.

Ова значи дека станува збор за измама.

5-tips-for-spotting-a-con-man-large

Понатаму:

„Таа дебата се случи во текот на месец декември и почетокот на месец јануари, веројатно поврзано со периодот на имплементација на законот. Ние како пратеничка група ги анализиравме сите забелешки на законите, ги анализиравме сите укажувања, направивме подлабоки консултации со многу засегнати државни институции, претпријатија и субјекти и цениме дека овој сегашен предлог за измени на законот е во насока на задоволување на некој општествен консензус околу потребата од регулирање на оваа област“, вели пратеникот Илија Димовски.

Во месец декември и почетокот на месец јануари не се случи дебата, како што се обидува да ни прикаже Илија Димовски, туку се случија масовни демонстрации. Масовните демонстрации се случија со многу јасни и конкретни барања.

Тврдењето дека “Ние како пратеничка група ги анализиравме сите забелешки на законите, ги анализиравме сите укажувања, направивме подлабоки консултации со многу засегнати државни институции, претпријатија и субјекти“ претставува срж на очигледна измама по неколку основи:

1. Самата пратеничка група нема ниту капацитет ниту знаење за да изврши било каква анализа на добини мислења и забелешки за дадената материја.

2. Во краткиот период за кој станува збор, членовите на пратеничката група немале можност ни да ги прочитаат, а камоли да ги разберат, па уште и да ги анализираат забелешките и предлозите.

3. Во краткиот период за кој станува збор едноставно ни физички не е можно да се направат консултации ни со малку, а камоли со многу засегнати субјекти.

Ова ја потврдува горната констатација, дека станува збор за измама.

write-on-arms-and-thighs

2. 

Самите предложени измени на законите кои се однесуваат на плаќањето пензиско, социјално и здравствено осигурување претставуваат само мачкање на очите на граѓаните и најдрска и безобразна манипулација која се обидува да ја направи власта.

hoax-1

1. Понудените промени повторно се усвојуваат по скратена постапка (без јавна расправа, без анализа на ситуацијата и без земање во предвид на сите дадени забелешки и аргументи).

2. Останува мешањето на баби и жаби, т.е. права и обврски од работен однос и права и обврски од облигационен однос.

3. Останува огромната дискриминација меѓу тие кои се во работен однос (независно дали е тоа на одредено или неодредено време) и оние кои не се во работен однос, туку се ангажирани по договор. Наспроти обврските кои ги имаат луѓето во работен однос (меѓу кои се и давачките за социјано, пензиско и здравствено) тие имаат и права кои се регулирани со Законот за работни односи и со колективните договори за одредени гранки и ја имаат синдикалната заштита. Наспроти обврските кои ги добиваат луѓето кои работат по договор, тие немаат ниту едно од правата според Законот за работни односи, за нив не важат колективните договори и немаат синдикална заштита.

4. Ниту една од промените не одговара на прашањата за услугите кои ги добиваат хонорарците како резултат на плаќањето социјално, здравствено и пензиско осигурување и начинот на кој ќе можат да ги добијат тие услуги.

5. Ниту една од промените не одговара на прашањето како со нив ќе се подобрат положбата, стандардот, условите за работа и за живеење на луѓето кои примаат хонорари.

Промените кои се нудат се некој вид на пазарење. Пазарење за тоа колку се спремни граѓаните да дозволат да им биде украдено. Бидејки граѓаните се побунија за кражбата од 37% , од власта доаѓа понуда за кражба од помал %.

Прикажувањето на ова намалување на кражбата како адресирање на проблемите и забелешките кои дојдоа од граѓаните претставува измама.

Не дозволувајте да бидете измамени.

ПОБАРАЈТЕ ГО СВОЈОТ ПРАТЕНИК

Според нашиот Устав и законите, пратеникот не може да биде отповикан од функцијата пратеник. Тоа значи еднаш избран, ќе си седи до крај на својот мандат независно од мислењето на тие кои го избрале и независно од незадоволството на граѓаните.

Меѓутоа, тоа не значи дека пратеникот е амнестиран од одговорност за она што го кажува во Собранието, за начинот на кој учествува во креирањето на политиките на државата и за начинот на кој гласа во конкретна ситуација.

Во текот на целиот мандат пратеникот останува “претставник на граѓаните на Република Македонија“. Не на партијата од која доаѓа, не на избирачите кои го избрале, туку на граѓаните.

“Пратеникот има право и должност да ги информира избирачите за извршување на своите и на обврските на Собранието“.

“Пратеникот е должен да прима мислења и предлози од избирачите и истите да ги има предвид во своето работење и одлучување“.

Бидејки е очигледно дека Владата нема намера да ги слушне граѓаните (Министерството за образование и наука ги затвори вратите за студентите и не ги пушта на јавната расправа за државниот испит), ниту пак да ги земе предвид нивните загрижи (Нема одлагање на плаќањето продонеси за хонорари), мислам дека е време граѓаните да ги побараат своите пратеници.

Граѓаните можат да им пишат на своите пратеници. И да им објаснат што мислат, што предлагаат и во кој случај ќе мислат дека пратеникот ги зел предвид нивните мислења.

Можат да ги повикаат на разговор во градовите и селата од каде што доаѓаат и каде што го добиле својот мандат. Сериозен разговор, на кој граѓаните ќе им објаснат што очекуваат од нив . и како треба да гласаат. Сериозен разговор во кој ќе им се даде на знаење дека тие доаѓаат од таа средина, тука живеат  и тука ќе се вратат по завршување на мандатот. А мандатот трае само четири години (или многу пократко).

Можат да побараат прием кај своите пратеници. Во Собранието. 5, 10, 100, 1000, 10000, граѓани можат да побараат прием кај својот пратеник со цел да му објаснат што мислат за предложените измени на законите, и што очекуваат од него како пратеник.

Затоа што, на крајот на краиштата, Владата не може да направи ништо без пратениците. А тие живеат меѓу нас. И со нас. Во нашиот комшилук.